Mavzu: Mahalliy va umumiy xirurgik infeksiyalarning chiqarish sabablari, klinik belgilari, tekshirish, davolsh va parvarishlashda o’ziga xos xususiyatlari. Reja

UMUMIY YIRINGLI INFEKSIYA

Sepsis — turli xil mikrob va ularning toksinlari qo'zg'atadigan og'ir infeksion kasallikdir. Uni qo'zg'atuvchi mikroblar turli xil bo'lishiga qaramay, kasallik muayan klinik manzara bilan namoyon bo'ladi. Sepsisni organizmga bakteriyalar tushishigajavoban paydo bo'ladigan birlamchi sepsis va birlamchi yallig'lanish holati (chip-qon, karbunkul, flegmona, abssesslar) sababli rivojlanadigan ikkilamchi sepsis farq qilinadi. Sepsis turlicha muddatda kechadi. Bir necha soatdan (yashin tezligida o'tadigan turi), bir necha yillargacha (surunkali turi) davom etadi. Klinik jihatdan kechishining og'ir-yengilligi:

1. Mikrobning turiga va virulentligiga;

2. Infeksiyaning kirish o'chog'i, uning holati, zararlangan, to'qimalarning hajmi, o'choqdagi qon aylanishining holati va boshqalarga;

3. Organizmning kuchiligiga, ya'ni organizm immunobiolo-gik himoya kuchining holatiga bog'liq. Sepsisning rivojlanishi va kechishi organizmga kirgan mikroblar bilan bemor organizmi o'rtasidagi o'zaro ta'sirining g'oyatda solishtirma va murakkab holati natija hisoblanadi.

Sepsis turlari va klinik belgilarining turli-tumanligi uni tasniflashda birmuncha qiyinchiliklar tug'diradi. Sepsisning quyidagi turlari tafovut qilinadi: