Mavzu: Magmatik, metamorfik cho`kindi tog` jinslari, ularning hosil bo`lishi, xossa va xususiyatlari

Mundarija:
Reja:

Kirish………………………………………...............

1.Bob.Adabiyotlar tahlili…………………………..

2.Bob.Asosiy qism……………………………….

2.1. Magmatik tog` jinslari haqida ma`lumot.

2.2. Metamorfik to`g jinslari haqida ma`lumot.

3.Bob. Cho`kindi tog` jinslari haqida ma`lumot.

Xulosa……………………………………...............

Foydalanilgan adabiyotlar……………………

Kirish
Tog‘ jinslari mineral va kimyoviy tarkibiga, tuzilishiga (strukturasiga), yotish va hosil bo‘lish (genezis) sharoitlariga qarab sinflarga bo‘linadi. Ularning mineralogik va kimyoviy tarkiblari ma'lum darajada o‘zgarib turishlari mumkin. Agar tog‘ jinsi tarkibida ayrim minerallarning miqdori 10% dan ortiq bo‘lsa, bunday minerallarni jins hosil qiluvchi minerallar, 10% dan kam bo‘lsa ikkinchi darajali aksessor minerallar deyiladi. Minerallar tog‘ jinslarida birlamchi va ikkilamchi bo‘lishi mumkin. Birlamchi minerallar tog‘ jinsi bilan bir vaqtda paydo bo‘ladi va ularning tarkibida deyarli o‘zgarmagan holda saqlanib qoladilar. Ikkilamchi minerallar esa tog‘ jinslari shakllanib bo‘lganidan so‘ng sodir bo‘ladigan geologik jarayonlar natijasida hosil bo‘ladilar. Tog‘ jinsining ma'lum bir turi uchun birlamchi bo‘lgan minerallar, boshqasi uchun ikkilamchi bo‘lishi mumkin. Masalan: kaolinit (gilning minerali) granitlarda ikkilamchi mahsulot hisoblanadi, kimyoviy Cho‘kindilarda esa, birlamchi mahsulotdir.

Tog‘ jinslaridagi kristall donalarining shakli xilma-xil bo‘lib, asosan minerallarning kristallanish qobiliyatiga va uning ajralib chiqishi tartibi bilan bog‘liq. Tog‘ jinslarining mineral tarkibini aniqlash, ularning tarkibiy qismini o‘rganishga imkon bersa, tog‘ jinslari qanday hosil bo‘lgan degan savolga ularning strukturasi va teksturalarini o‘rganish javob beradi.

Tog‘ jinsining strukturasi (ichki tuzilishi) tog‘ jinslari tarkibiy qismining (mineral bo‘laklarining) kattaligi, shakli va o‘zaro munosabati bilan bog‘liq bo‘lgan, tuzilishining o‘ziga xos belgilarini ko‘rsatadi.

Tekstura tog‘jinsini tashkil qiluvchi mineral bo‘laklarining fazoda joylashishi va taksimlanishini ko‘rsatuvchi belgilar

yig‘ indisini ko‘rsatadi. Jinslarning tashqi ko‘rinishida tekstura katta masshtabdagi tuzilish belgilarini-qatlamlanganligini, govakliligini, yaxlitligini ko‘rsatadi.

Tog‘ jinslari hosil bo‘lish sharoitiga (genezis) qarab shartli ravishda uchta sinfga bo‘linadi.