Мавзу: М. Портер бўйича рақобат концепцияси

МАВЗУ: М.ПОРТЕР БЎЙИЧА РАҚОБАТ КОНЦЕПЦИЯСИ
Режа:

Кириш

1. Рақобат назарияси эволюцияси
2. М. Портер бўйича рақобат концепцияси
3. Рақобатдаги ютуққа миллий шарт-шароитларни таъсири
4. Рақобат ва рақиблик табиати
Хулоса
Фойдаланилган адабиётлар
Иловалар

К И Р И Ш

Бугунги кунда жаҳонда давом этаѐтган глобаллашув жараѐни, ривожланиш даражасидан қатъи назар, дунѐдаги барча мамлакатларга ўз таъсирини кўрсатмоқда. Глобал молиявий-иқтисодий инқироз эса ушбу рақобат курашини янада кескинлашмоқда. Маълумки, мамлакат иқтисодиѐтининг барқарор ва изчил ўсишига эришишнинг асосий омили унинг рақобатбардошлигини оширишдан иборат.

Рақобатбардошликни ошириш орқали мамлакатнинг жаҳондаги ривожланган давлатлар қаторидан муносиб ўрин эгаллашини таъминлай олади.

Дарҳақиқат, иқтисодиѐт рақобатбардошлигини оширишда асосий эътибор мамлакат ҳудудларининг табиий ресурслари ҳамда индустриал салоҳиятидан фойдаланиш самарасини юксалтиришга ва пировард натижада экспорт тизимини кучайтиришга қаратилмоғи лозим. Айнан шу йўналишда жаҳон тажрибасида кенг қўлланилаѐтган ва ўз самарасини бераѐтган бир қатор воситалар мавжуд.

Рақобат – бозорнинг асосий шарти, айтиш мумкинки унинг қонунидир. Рақобат бозор иқтисодиѐтининг ва умуман товар хўжалигининг энг муҳим белгиси, ривожлантириш усули ҳисобланади. Мустақил товар ишлаб чиқарувчилар (корхоналар) ўртасидаги рақобат товарларни қулай шароитда ишлаб чиқариш ва яхши фойда келтирадиган нархда сотиш, умуман иқтисодиѐтда ўз мавқеини мустаҳкамлаш учун курашдан иборат.

Рақобат бозор субъектлари иқтисодий манфаатларининг тўқнашишидан иборат бўлиб, улар ўртасидаги юқори фойда ва кўпроқ нафликка эга бўлиш учун курашишни англатади.

Мамлакатимизда иқтисодиѐтнинг рақобатбардошлигини ошириш натижасида нафақат ички озорда, балки ташқи бозорларда ҳаракат қилиш, рақобат муҳитини шакллантириш, рақобатда устунликка эришиш мумкин.