Mavzu: Kompyuter tarmoqlarining asosiy tushunchalari Reja: Kirish Kompyuter tarmoqlarining asosiy elementlari

K ompyuter tarmoqlarining standart texnologiyalari.

Simli tarmoq texnologiyalari. Simli tarmoq texnologiyalarining 1980 yillarda ishlab chiqarilgan dastlabki vakillari - Ethernet, Token Ring va FDDI kabi lokal tarmoq texnologiyalari hisoblanadi. Ular - umumiy shina, yulduz yoki halqa deb nomlangan tipik topologiyalarning biri asosida qurilgan bo‘lib, ma’lumotlarni uzatishda birgalikda foydalaniladigan muhitga ega bulgan lokal kompyuter tarmoqlari texnologiyalari edi. Ushbu texnologiyalar kompyuter tarmoqlari qo‘llanila boshlagan dastlabki yillarda ancha keng ishlatilgan.

Keyinchalik esa, simli tarmoq texnologiyalarining, asosan Ethernet texnologiyasi mansub bo‘lgan Fast Ethernet va Gigabit Ethernet texnologiyalarining standartlari ko‘plab ishlab chiqarilgan va amaliyotda ham keng qo‘llanila boshlagan. Fast Ethernet va Gigabit Ethernet texnologiyalarida ma’lumotlarni uzatish tezligini oshirish uchun kommutatsiyalanadigan muhitdan foydalanish ham yo‘lga quyilgan

Xozirgi simli lokal tarmoq texnologiyalari qanday tuzilishga ega ekanligini, IEEE 802.3 standartlari hisoblangan Ethernet texnologiyasining 10Base-T va Fast Ethernet texnologiyasi tarkibiga kirgan 100Base-TX standartlari misolida ko‘rib chiqamiz. Bunga sabab ancha yuqori tezliklarda ishlaydigan, keyinchalik ishlab chiqilgan Gigabit Ethernet texnologiyasiga, ushbu standartlarning tuzilishlari va ishlash algoritmlari asos qilib olinganligidir.