Мавзу: Кириш

Мавзу бўйича ўз билимини мустахкамлаш учун саволлар
Кредит хаф-хатари ёки таваккалчилиги деганда нима тушунилади?
Фоиз хаф-хатари деганда-чи?
Кредит ва фоиз хаф-хатари келиб чикиш сабаблари нимада?
Кредитнинг кайтарилишини таъминлаш қандай амалга оширилади?
Банклар кимларга «ишончли» кредитлар бериши мумкин?
Кредитнинг хаф-хатари даражасига қараб қандай баҳоланади?
Яхши кредитлар берилган кредитларга кимлар киради?
Стандарт кредитлар берилган мижозлар кимлар?
Субстандарт кредитлар берилган мижозларнинг ахволи қандай?
Шубхали кредитлар тоифасига кимлар киради?
Умидсиз ёки ишончсиз кредитлар тоифасига кимлар киритилади?
4. ССУДА ФОИЗИ ВА УНИНГ ИҚТИСОДИЙ МОҲИЯТИ


Асосий тушунчалар
Ссуда
Ссуда фоизи
Номинал ссуда
Сўзиб юрувчи ссуда
Реал ссуда


4.1. Ссуда фоизи тушунчаси ва унинг вазифалари


Ссуда деганда банкдан пул шаклида берилган кредит тушунилади. Ссуда фоизи (проценти) кредитнинг тўловлилик тамойилидан келиб чиқади. Иқтисодий адабиётларда «ссуда фоизи», «қарз фоизи», «кредит фоиз ставкаси», оддийгина «фоиз» ёки «процент» каби атамалар учраб туради. Уларнинг барчаси бир хил маънони билдиради.


Ссуда фоизи деганда кредитга олинган маблағлардан фойдаланганлик учун тўланадиган ҳақ тушунилади. Бошқача қилиб айтганда, ссуда фоизи кредитнинг баҳосидир.
Ссуда фоизи бериладиган кредит суммасига нисбатан аввалдан фоизларда белгиланади. Ссуда фоизи даражаси эса ссуда фоизи суммасининг қарз миқдорига нисбати билан аниқланади. Масалан, корхона банкдан олган 12 млн. сўм Кредит учун, ҳар ойда 600 минг сўмдан фоиз тўласа, ссуда фоизи даражаси 5 % ни ташкил этади, яъни:

600000с
Сф.д= ---------------------  100 = 5 %

12 000 000

Ссуда фоизи суммасини аниқлаш учун ссуда суммаси ссуда фоизи даражасига кўпайтирилади ва 100 га бўлинади:

5
Сф.с = 12000000с  ----------- = 600 000 с
100

Ссуда фоизи қуйидаги вазифаларни бажаради:

1. 
   Ссуда фоизи кредит олувчининг ишлаб чиқариш ресурслари ва қарзга олинган маблағлардан унумлироқ фойдаланишга ундайди. Сабаби, ссуда фоизи суммаси кредит олувчи олган даромад ҳисобидан тўланади. Шу туфайли кредит олувчи кўпроқ даромад олишга ҳаракат қилади.
   
2. 
   Ссуда фоизи олинадиган кредит миқдорини чегаралаб қўяди. Сабаби, кредит олувчи қанча кўп қарз олса, шунча кўп ссуда фоизи тўлайди ва аксинча, қанча кам олса, шунча кам тўлайди. Шунинг учун кредит олувчи ўзига зарур бўлган энг кам миқдордаги қарз олишдан манфаатдордир. У нисбатан камроқ маблағ сарфлаб, кўпроқ даромад олишга интилади.
   
3. 
   Ссуда фоизи банклар ва бошқа махсус молия-кредит муассасаларининг асосий даромад манбаи ҳисобланади. Улар томонидан жалб этилган маблағлар, яъни депозит ва омонатлар учун тўловлар ҳам ана шу ссуда фоизи ҳисобидан амалга оширилади.