Mavzu: kimyoviy texnologiya jarayonlarini sinflanishi

Modda almashinish yoki diffuzion jarayonlar - bir yoki bir necha komponentlarning bir fazadan, fazalarni ajratuvchi yuza orqali, ikkinchi fazaga o’tishidir. Ularga absorbtsiya, adsorbtsiya va desorbtsiya, haydash, ekstraktsiya, eritish, kristallanish, quritish kabi jarayonlar kiradi. Bu jarayonlarning tezligi modda almashinish qonunlari bilan ifodalanadi.

Mexanik jarayonlar - bu jismlarning o’zaro mexanik ta`siridir. Bularga maydalash, fraktsiyalarga ajratish, presslash va boshqalar misol bo’ladi.

Barcha texnologik mashina va apparatlar, umumiy xolda, texnologik jihozlar deb yuritiladi. Agar ayrim mashina yoki agregatlar o’zaro uzviy funktsional bog’langan va umumiy asosga yig'ilgan bulsa bunday komplekslar agregatlar deb ataladi.

Ishlab chiqarish jarayonlarining kechish ketma-ketligi bo’yicha joylashtirilgan va texnologik quvurlar yoki transportyorlar vositasida o'zaro bog’langan apparatlar va mashinalar sistemasi texnologik liniya deb ataladi.

Texnologik jarayonning davri (sikli) -materialni birlamchi xolatidan to tugallangan oxirgi xolatigacha qayta ishlash uchun zarur va yetarli bo’lgan vaqt.

Texnologik mashina yoki apparatning ish unumdorligi uning yordamida vaqt birligida kayta ishlangan yoki ishlab chiqarilgan mahsulot miqdori (kg/soat, m³/soat, dona/soat va x.k) bilan tavsiflanadi.