Mavzu: Kasbiy ta’lim o’qituvchisining individual metodik faoliyati

Dars o’tishda doskaning va boshqa texnik vositalarning tutgan o’rni.

O’quv jarayonida eng ko’p qo’llaniladigan va eng kam chiqim talab qiladigan vosita oddiy doska hisoblanadi.

Doskadan turli maqsadlarda foydalanish mumkin:

-notanish so’z, iboralarni yozish;

-turli chizmalar, diagramma, sxemalar chizish;

-rasmlar yordamida illyustratsiya qilish;

-misollar echish;

-formulalar yozish va boshqalar.

Doska har bir auditoriyada bo’lishi kerak. Dars paytida doskadan foydalanish uchun uni darsga tayyorlash lozim. Agarda o’qituvchi ilgari dars o’tmagan auditoriyada dars o’tadigan bo’lsa, drskaning o’lchamlari, uning qandayligi bilan tanishishi kerak. Darsda doskadan optimal darajada foydalanishga harakat qilish lozim:

*zarur jumlalarni yozish, grafiklar chizish, bir-biridan ajratish, chiziqlarni rangli bor bilan chizish;

*agarda murakkab chizmalar chizilishi kerak bo’lsa, avval xomaki nusxasini chizib ko’rish;

*doskadagi tasvir iloji boricha tushunarli, taassurot qoldiradigan bo’lishi kerak;

Doskaga aniq, talabalar o’qiy oladigan qilib yozish kerak. YOzayotganda tushuntirishni to’xtatib, yozib bo’lgach, gapirish kerak. CHunki auditoriyada talabalarga orqa o’girgan holda doskaga qarab yozib turib, gapirilgan fikrni ilg’ash qiyin.

Doskada ishlashning o’ziga hos afzalliklari va kachiliklari mavjud.