Mavzu: isitmaning gipertermiyadan farqlovchi xossalari

Temperatura ko'p deganda qay daraja ko'tarilishiga qarab isitma quyidagilarga bo'linadi: subfebril (38° C gacha), o'rtacha (38° C dan 39° C gacha), yuqori (39° C dan 41° C gacha) va haddan tashqari yuqori isitma (41° C va bundan ko'ra ko'proq) bo'ladi. Odamda isitma, odatda, 42° C dan yuqori bo'lmaydi. Isitmaning quyidagi xillari tafovut qilinadi: doimiy isitma (sutkalik temperatura o'zgarishlari ko'p deganda 1°C bo'ladi), bo'shashtiradigan isitma (temperatura sutkasiga 1,5—2° C o'zgarib turadi), tinkani quritadigan isitma (sutkalik temperature o'zgarishlari 3—4° C va bundan ko'ra ko'proq bo'ladi) va hokazo. Isitmaning hozir ko'zdan kechirib chiqilgan xillari ta'sirotning pirogen xossalariga hamda organizmning o'z xususiyatlariga bog'liq (yoshi, im-mun xossalari, regulatsiyasining xususiyatlari va boshqalarga).

O'z mohiyati jihatidan olganda isitma gipertermiyadan farq qiladi. Isitma muhit temperaturasidan qat'i nazar ayj olib boraveradi va ter-moregulatsiyaning buzilish natijasi bo'lmay, balki moslanish uchun qaytadan tuzilishi natijasi bo'lib hisoblanadi. Isitma vaqtida termo-regulatsiya saqlanadi, ya'ni organizmning tashqi va ichki temperatura signallariga ko'rsatadigan reaksiyasi saqlanib qoladi. 

Isitma himoyalovchi-moslashtiruvchi ahamiyatga ega: fagotsitozni faollashtiradi, antitanatar ishlanib chiqishini stimullaydi, jigarning antitoksik funksiyasini kuchay-tiradi, parchalanish mahsulotlarining organizmdan tez chiqib ketishiga yordam beradi, bakteriostatik ta'sir ko'rsatadi. Xuddi mana shuning uchun ham sust o'tib borayotgan infeksion kasalliklarda qadimdan beri piroterapiyadan muvaffaqiyat bilan foydalanib kelinadi. Shu bilan birga isitma oliy nerv faoliyatida yurak-tomir va nafas sistemalarining ishida o'zgarishlarni keltirib chiqarishi mumkin. Tana temperaturasi haddan tashqari tez va nihoyatda baland ko'tarilib kelganida yoki, aksincha, keskin pasayib ketganida ana shunday bo'ladi.

Спасибо!