Mavzu: Inson organizimda toksikologik ahamyatga EGA bo`lgan og`ir metallarga sifat analizi. Reja: Kirish

Bariy kationining tahlili

Filtr qog’ozda qolgan cho’kmadan bariy kationiga quyidagi tahlillar o’tkaziladi.

1. Bariy sulfatni qayta kristallash reaktsiyasi. CHo’kmani bir qismi buyum oynachasiga o’tkazilib, ustiga 1-2 tomchi kontsentrlangan sulfat kislotasi tomiziladi. So’ngra past alangada ehtiyotlik bilan oq par hosil bo’lguncha qizdiriladi. Jarayon 2-3 qayta takrorlanadi. Aralashma sovutilgandan so’ng mikroskop ostida ko’rilsa (+, x) shaklini eslatuvchi rangsiz mikrokristallar ko’rinadi. Reaktsiya kimyoviy tenglamasini yozing. Kristallar shaklini ish daftaringizga chizing.

2. Bariy yodat mikrokristallarini hosil qilish reaktsiyasi. CHo’kmani bir qismi platina simiga o’tkazilib, bir necha soniya alangada tutiladi. CHo’kmada bariy kationi bo’lgan taqdirda alanga ko’k rangga bo’yaladi (bu holatni izohlang). So’ngra platina simning cho’kma saqlagan qismi 1-2 tomchi xlorid kislotasining 10% eritmasiga tushiriladi. Yana bir qism cho’kma platina simiga o’tkazilib yuqoridagi jarayon 2-3 marta qaytariladi. SHunday qilib, buyum oynachasidagi eritmaga 1-2 tomchi kaliy yodat 10% eritmasi tomiziladi. Bir necha daqiqadan so’ng mikroskop ostida ko’rilganda bariy yodatning tayoqcha shaklidagi mikrokristallari ko’riladi.

Reaktsiya kimyoviy tenglamalarini yozing va mikrokristallalarni shaklini ish daftaringizga chizing.

3. Bariy kationini xromat va bixromat kaliy bilan reaktsiyasi. Bariy saqlovchi eritmaga xromat yoki bixromat kaliy eritmasi qo’shilsa och sariq rangli bariy xromati cho’kmaga tushadi. CHo’kma mineral kislotalarda eriydi, sirka kislotasida erimaydi. Reaktsiya kimyoviy tenglamasini yozing.

4. Bariy kationining sulfat kislotasi bilan reaktsiyasi. Bariy saqlovchi eritmaga sulfat kislotasi yoki uning eruvchan tuzlarining eritmasi qo’shilsa oq cho’kma hosil bo’ladi. CHo’kma mineral kislotalar va ishqorlarda erimaydi. Reaktsiya kimyoviy tenglamasini yozing.

5. Rodizonat natriy bilan reaktsiya. Bariy saqlovchi eritmaga natriy rodizonati qo’shilsa qizil-qo’ng’ir rang hosil bo’ladi. Reaktsiya kimyoviy tenglamasini yozing.