Mavzu: Inson organizimda toksikologik ahamyatga EGA bo`lgan og`ir metallarga sifat analizi. Reja: Kirish

Simob kationini miqdorini fotoelektrokolorimetrik aniqlash.

Usul destruktat tarkibidagi simob kationini ditizon bilan hosil qilgan sariq rangli birikmasini xloroform bilan ekstraktsiya qilishga asoslangan. Simob kationini aniqlashdan avval destruktat tarkibidagi pigmentlardan toza xloroform bilan yuvilib tozalanadi. Simob kationini destruktat tarkibidan ditizonat bilan aniqlash o’ziga xos usul hisoblanadi. Bu reaktsiyaga nodir metall elementlari: kumush, oltin, platina, palladiy ionlari xalaqit berishi mumkin. Simob ditizonat hosil qilish uchun optimal sharoitlar: sulfat kislotasi kontsentratsiyasi 4-5 n, ditizon eritmasini ortiqcha miqdori bo’lishi, to’g’ridan-to’g’ri quyosh nurini hamda oksidlovchilarni ta’siri bo’lmasligi lozim.

Destruktatni aniq hajmini ajratgich voronkasiga solinib, ustiga 5 ml xloroform qo’shib 10 soniya davomida chayqatiladi.

So’ng sariq rangga bo’yalgan xloroform qatlam ajratib olinib tashlab yuboriladi. Destruktatni xloroform bilan chayqatish, yangi miqdor xloroform bilan chayqatilganda rangsiz bo’lguncha qaytariladi. SHunday qilib, sariq pigmentlardan tozalangan destruktatga 10 ml 10% askorbin kislotasi, 5 ml xloroform va 0,3-0,5 ml 0,01% ditizonning xloroformdagi eritmasidan qo’shib 30 soniya davomida qattiq chayqatiladi. Destruktatni xloroform bilan chayqatish xloroform qatlamini ditizon eritmasi qo’shilganda yashil rangi saqlaguncha qaytariladi. Ajratib olingan qo’ng’ir-sariq rangli xloroformli ajratmalar birlashtirilib, 15 daqiqa davomida tinitiladi, so’ng suvli qatlam ajratilib, xloroform hajmi aniq miqdorga keltiriladi. Olingan xloroformli ajralma rangi intensivligi fotoelektrokolorimetr yordamida, qalinligi 10 mm bo’lgan kyuvetada, 485 nm to’lqin uzunligida aniqlanadi.

Simob kationini miqdorini oldindan tuzilgan hisoblash chizmasi asosida aniqlanadi.