mavzu: innovatsion faoliyatni tashkiliy shakllari reja

To‘garaklarning afzalliklari: 1) faqat bu faoliyat bilan shug‘illanishni xohlovchi ishchilar to‘garak a’zolari bo‘ladilar; natijada ularni rag‘batlantirish tadbirlarining samaradorligi yuqori bo‘ladi; 2) o‘qitish natijasida to‘garak a’zolarining dunyoqarashi kengayadi; 3) ishchilar o‘zlarini qiziqtirgan muammolarni ko‘rib chiqadilar; 4) sifat to‘garagining a’zolari o‘zlari qabul qilgan qarorlarning amaliyotda qo‘llanilishi bilan qiziqadilar.
Kamchiliklari: 1) muammolarni hal qilishda bo‘linmaning barcha ishchilari qatnashishmaydi; 2) sifat to‘garagiga a’zo bo‘lmagan bo‘linmaning ishchilari to‘garak takliflarining samara berishiga ishonchsizlik bilan qarashi mumkin.
Jarayonlarni takomillashtirish bo‘yicha guruhlar
Jarayonlarni takomillashtirish bo‘yicha guruh bir nechta bo‘linmaning faoliyatini qamrab oladigan jarayon bilan shug‘illanadi. Jarayonda va yordamchi xizmatlarda qatnashuvchi har bir bo‘linmadan tajribali, malakali mutaxassislar bu guruhning tarkibiga kiritiladi. Guruhning raisi va a’zolari tashkilotning rahbariyati tomonidan tayinlanadi.
Guruh firma rahbariyati tomonidan belgilangan vazifani bajaradi. Odatda bunday vazifaning uzoq vaqt talab qiladi.
Qoidadagidek, muammolarning oldini olish maqsadida jarayon ishlab chiqilib o‘zlashtirilguncha guruhni tashkil qilish kerak. Guruh jarayonning rentabelligini oshirish, ishlab chiqarish grafiklarining bajarilishini ta’minlash va mahsulot nuqsonlarini minimallashtirishdan kutilgan foydani optimallashtirish majburiyatiga ega.
Afzalliklari: 1) kompleks tarzda sabab - oqibat tahlili o‘tkaziladi; 2) yuqori malakali mutaxassislar, guruh a’zolari uchun qo‘shimcha tayyorgarlik talab qilinmaydi; 3) guruh jarayonning barcha xususiyatlari va uning elementlarining o‘zaro aloqadorligini bilar ekan, u qabul qilgan qarorlar umumiy iqtisodiy samaradorlikni oshirishi mumkin; 4) funksional bo‘linmalar orasida umumiy maqsadlarga xizmat qiluvchi aloqalar yuzaga keladi; 5) ishlab chiqarish chiqindilari va harajatlarning qisqaradi; 6) jarayonni ishlab chiqishda ishtirok etayotgan guruh muammolarning oldini olish imkoniyatiga ega bo‘ladi; 7) guruhning a’zolari tashkilot iqtisodiy faoliyatining umumiy tamoyillari bilan tanishadilar.