mavzu: innovatsion faoliyatni tashkiliy shakllari reja

Muammolarni hal qilish. U yoki bu uchastkada istalgan muammoni hal qilish, nuqsonni bartaraf qilish va iqtisodiy samaradorlikni oshirish ijobiy o‘zgarishlarga olib keladi. Afsuski, ko‘plab rahbarlar va ishchilar muvaffaqiyat sari ilgarilab borishida muammolarni yuzaga keltiradilar. Bunday muammolar oqibatida ko‘p hollarda quyidagi to‘siqlar paydo bo‘ladi:

• 
  Vaqtning etishmasligi.
  
• 
  Boshqa odamga javobgarlikni topshirib qo‘yish. Buning oqibatida bo‘ysinuvchilar oson hal qilinmaydigan ko‘plab muammolarga duch keladilar.
  
• 
  Xodimlarning ma’naviy rag‘batlantirilmasligi. Rahbariyat muammolarni hal qilishga yordam beradigan va ishni to‘g‘ri bajara boshlaydigan odamlarni rag‘batlantirish yo‘llarini izlashi kerak.
  
• 
  Xatolarga o‘z - o‘zidan sodir bo‘ladi degan noto‘g‘ri qarash.
  
• 
  Masalaning muhimligini tushunmaslik. Har bir ish muhim bo‘lmaganda, uni bajarishga hojat qolmas edi.
  
• 
  Ba’zi muammolarni bartaraf qilib bo‘lmasligiga ishonish.
  
• 
  Rejani bajarishga, sifatni ta’minlash va ishlab chiqarish harajatlarini kamaytirishga yuqori rahbariyatning oqilona yondashmasligi.
  
• 
  Aybdorlarni izlash. Rahbariyat muammoni bartaraf qilish o‘rniga aybdorlarni izlash bilan ovora bo‘lsa, faoliyatni yaxshilab bo‘lmaydi.
  

Muammolarni bartaraf qilishning negizlari:

1. 
   Rahbarlar va ishchilarning xatolarni bartaraf qilish muhim ahamiyatga egaligini tushunishi. Ko‘p tashkilotlarda xatolarni bartaraf qilish harajatlarini Uz dan ham qo‘p qisqartirish mumkin.
   
2. 
   Xatolarni bartaraf qilishga intilish. Xodimlarni xato qilmaslik ruhida tarbiyalash kerak.
   
3. 
   Muammolarni hal qilish usullariga o‘rgatish. Malakali mutaxassislar muammolarni bartaraf qilish ustida ishlashi kerak. Muammolarni hal qilishning bir qator muqobil variantlarini tanlash va ularning orasidan eng maqbulini tanlash uchun ularga katta hajmda informatsiya kerak bo‘ladi.
   
4. 
   Muammolarning yuzaga kelishini tahlil qilish. SHunday tizimni yaratish kerakki, u yordamida muammoning namoyon bo‘lish belgilari tahlil qilinib, uning yuzaga kelish sabablari aniqlansin.
   
5. 
   Muammolarni aniqlash va oldini olish choralarining samaradorligini baholash tizimi. Muammolarni bartaraf qilish tizimining muhim qismi - muammolarni aniqlash, olib borilyapgan ishlarni va ularning natija beryotganini kuzatish.
   
6. 
   Ko‘rsatilgan xizmatlarni taqdirlash. Muammoni hal qilishda qatnashgan barcha ishtirokchilar rag‘batlantirilishi lozim.