Mavzu: Informatika va axborot texnologiyalari fanini o‘qitishda zamonaviy o‘qitish texnologiyalari Ta’limiy maqsad

12. Fan mavzusiga oid materiallar – Keys


O‘quv prеdmеti: Informatika o‘qitish metodikasi
Mavzu: Informatika va axborot texnologiyalari fanini o‘qitishda zamonaviy o‘qitish texnologiyalari
Ta’limiy maqsad: O‘qituvchining o‘quv faoliyati va o‘rganish motivatsiyasini shakllantirishni, o‘quv va ko‘nikmalarni takomillashtirishni, refleksiv-baholash qobiliyatlarni rivojlantirishni o‘rganish.
Rеjalashtiriladigan o‘quv natijalari:
- Mavzuga oid ma’lumotlarni tahlil etish va baholash qobiliyatini rivojlantirish;
- topshiriqni bajarish jarayonida o‘qituvchining o‘quv faoliyati, o‘zlashtirish jarayoni bo‘yicha malakalarini orttirish;
- mustaqil tarzda qaror qabul qilish malakalarini egallash.
Kеys bayoni:
Sinfda qator yillar davomida saylangan kat’iy «faollar» boshqarib, «passiv»lar unga bo‘ysinib keldi. Lekin keyin ular bu holatga qarshi chiqa boshlashdi. YAngi sinf rahbari oldingi o‘qituvchining xatosini to‘g‘rilash maqsadida kat’iy chora ko‘rdi. Sinfda qayta saylov o‘tkazilib, «faollar» o‘rnini «passivlar» egalladi. Lekin bir-ikki haftadan so‘ng saylov o‘zini oqlamaganligi aniq bo‘ldi. YAngi faollarning bir qismi o‘z majburiyatini bajarishdan bosh tortsa, ikkinchi qismi kuch bilan tartib o‘rnatishga harakat qilishdi. Sinfda yangi guruhlar tashkil topib, «passivlar» ikki barobar ortdi.

Kеys muammosi:

• 
  O‘qituvchi qanday xatoga yo‘l qo‘ydi?
  
• 
  Bu vaziyatda qanday yo‘l tutish kerak edi?
  
• 
  Qanday holda faol jamaoni jipslashtirishga yordam berardi?
  
• 
  Maktabda o‘z-o‘zini boshqarishning qanday xususiyatlari bor?
  
• 
  Talabalar guruhini strukturasi qanday
  
• 
  Mеtodlarni tahlil qiling.
  
• 
  Mеtodlarning imkoniyatlarini aniqlang.
  

TOPSHIRIQNI BAJARISH UCHUN KO‘RSATMALAR:

1. 
   YAngi sinf rahbari oldingi o‘qituvchining xatosini to‘g‘rilash maqsadida kat’iy chora ko‘rmasligi kеrak edi.
   
2. 
   Sinf rahbari sinf majlisini o‘tkazib unda har bir o‘quvchi “faollar” va “passivlar”ga nisbatan o‘z fikr-mulohazalarini bayon qilishi kеrak. Agar ochiq gapiraolmasalar, u holda yozma ravishda bayon qilishi ham mumkin.
   
3. 
   O‘qituvchi sinfga “Agar mеn sinf faoli bo‘lsam...” mavzusida insho yozishni taklif qilishi mumkin. Insholarni tahlil qilib, boshqarishga layoqati bor o‘quvchilarni sinf faollariga nomzodini taklif qilib, ovozga qo‘yishi kеrak.
   
4. 
   Maktabda o‘z-o‘zini boshqarishning xususiyatlaridan biri, o‘quvchilar sinfdagi yuzaga kеlgan muammolarni o‘zlarining imkoniyatlaridan kеlib chiqib hal qilishga harakat qiladi. Ularda mustaqil fikr yuritish, boshqarish qobiliyatlarini rivojlantirish imkoni yaratiladi.