Мавзу: Илк ўзбек алифбосининг вужудга келиши

5-GRAMMATIK TOPSHIRIQ

Berilgan gaplarda noto‘g‘ri yozilgan so‘zlarni aniqlang va yozuv qoidasini belgilang.

1. Kampirning hayajonlik dovushi dovoldan osha ketdi va bu xush xabar bir zumda hammaga eshitildi. 2. Meymonlar tarqab ketti va hovlida qarindoshlardan boshqa kishi qomagan edi. 3. Moshin kotta jar yoqasiga kelib qoldiyu, shopur xushyorlik qilib to‘xtatdi.

TEKSHIRUV DIKTANTI

Shoshmang, yana bir narsani aytib beray, buni cho‘pchak deysiz, lekin chin so‘z. Boy yaxshi ovqatlarni: palov, norin, qazi-qartani yemas ekan. Palov me’damga mixdek qadaladi, qazi-qarta mijozimga to‘g‘ri kelmaydi, der ekan. Albatta, hammasi bahona. Har kuni yovg‘on xo‘rdi, so‘k oshi qildirar ekan. О‘g‘li - xo‘jayinim uylangandan keyin, ro‘zg‘orni yaxshilab, ovqatlarni mo‘l-jo‘l qila boshladi. Lekin juda yashirin. Otasining pulidan o‘g‘irlab, xarajat qilaveribdi-da. О‘zlari shiringina taom pishirib yeb, kechqurun boyga g‘ozi yo‘q, suyuq osh tayyorlab qo‘yishar ekanlar. (Oybek.«Qutlug‘ qon»)

8-МAVZU:
TINISH BELGILARINING IMLOSI
Amaliy mashg‘ulot mazmuni: Sodda gaplarda tinish belgilarining qo‘llanish qoidalari. Qo‘shma gaplarda tinish belgilarining qo‘llanishi. Ko‘chirma gapli qurilmalarda tinish belgilarining qo‘llanish qoidalarini sharhlash.
Tinish belgilarining imlosi yuzasidan grammatik topshiriq bajarish.
Mashg‘ulot rejasi:
1. Mavzuga doir nazariy bilimlarni tekshirish.
2. Amaliy mashg‘ulot topshirig‘ini bajarish.
3. Amaliy mashg‘ulot topshirig‘ini tekshirish va baholash.
1. MAVZUGA DOIR NAZARIY BILIMLARNI TEKSHIRISH UCHUN NAZORAT SAVOLLARI:
1. «Hozirgi o‘zbek adabiy tili» kursining qaysi bo‘limida tinish belgilarining qo‘llanish qoidalari o‘rganiladi?
2. Vergul va nuqtali vergul qaysi holatlarda qo‘yiladi?
3. Gapda tire qaysi holatlarda qo‘yiladi?
4. Qaysi holatlarda tinish belgilari qo‘sha qo‘llanadi?
5. Qaysi tilshunos olimlar o‘zbek punktuatsiyasining shakllanishiga hissa qo‘shdilar?
6. Gapda qanday holatlarda qavs ichida so‘roq belgisi (?) qo‘yiladi?
7. Qo‘shtirnoq belgisi qaysi holatlarda qo‘yiladi?
8. Gapda qanday holatlarda ko‘p nuqta qo‘yiladi?
9. Qavs qaysi o‘rinlarda qo‘yiladi?
10. Gapda qanday holatlarda qavs ichida undov belgisi (!) qo‘yiladi?

2.