Mavzu: Geometrik figuralar ularning ta`rifi va alomatlari. Reja

Geometriya-geometrik shakllar va ularning xossalari haqidagi fan.
Parallelepipedning 8 ta uchi bor- bular nuqtalar, 12 ta qirrasi bor-bular kesmalar,
6 ta yog`i bor -bular tog`ri to`rtburchaklardir.
Geometrik shakllarga nuqta, to`g`ri chiziq, kesma, burchak, uchburchak, kvadrat, aylana, kub, shar kabi qator shakllar kiradi.
Planimetriya geometriyaning bo`limi bo`lib, u bir tekislikda joylashgan geometrik shakllarning xossalarini o`rganadi. Fazoviy shakllarning xossalarini esa geometriyaning stereometriya deb atalgan bo`lim o`rganadi.Biz geometriyani o`rganishni planimetriyadan boshlaymiz.
Planimetriya-geometriyaning tekislikdagi geometric shakllarni xossalarini o`rganuvchi bo`lim.
Nuqta,to`g`ri chiziq va tekislik- geometriyaning eng asosiy tushunchalari.
Aksioma. Tekislikda qanday to`g`ri chiziq olinmasin, bu to`g`ri chiziqqa tegishli bo`lgan nuqtalar ham,tegishli bo`lmagan nuqtalar ham mavjud.
Aksioma. Har qanday ikki nuqtadan faqat bitta to`g`ri chiziq o`tadi.
Aksioma. Har bir to`g`ri chiziq tekislikni ikki bo`lakka:ikkita yarimtekislikka ajratadi.
Aksioma. Bir to`g`ri chiziqda olingan istalgan uchta nuqtadan bittasi va faqat bittasi qolgan ikkitasining orasida yotadi.
Ta`rif: Kesma deb to`g`ri chiziqning ikki nuqtasi orasida yotgan nuqtalaridan iborat qismiga aytiladi.
Ta`rif: Nur deb to`g`ri chiziqning biror nuqtadan bir tomonda yotgan barcha nuqtalaridan iborat qismiga aytiladi.
Ta`rif: Teng shakllar deb birini ikkinchisining ustiga aynan ustma-ust tushadigan qilib qo`yish mumkin bo`lgan shakllarga aytiladi.
Aksioma. Istalgan nurga uning boshlang`ich nuqtasidan berilgan kesmaga teng yagona kesmani qo`yish mumkin.
Ta`rif: Kesmaning o`rtasi deb uni o`zaro teng ikkita kesmaga ajratuvchi nuqtaga aytiladi.
Aksioma. Har qanday kesma tayin musbat songa teng uzunlikka egadir.
Aksioma. Agar to`gri chiziqda B nuqta A va C nuqtalar orasida joylashgan bo`lsa, AC kesma uzunligi AB va BC kesmalar uzunliklarining yig`indisiga teng bo`ladi:
AC=AB+BC