Mavzu: Geometrik figuralar ularning ta`rifi va alomatlari. Reja

Bitiruv malakaviy ishining maqsad va vazifalari.
Bitiruv malakaviy ish quyidagi maqsad va vazifalarni o‘z oldiga qo‘yadi:
boshlang‘ich sinf matematika kursini o‘qitish jarayonida geometriya elementlarini zamonaviy komp‘yuter texnologiyalar yordamida bolalarga tushuntirish.
Nuqta haqida tasavvurga ega bo‘lish, to‘g‘ri chiziq va kesmani farqi, kvadrat va to‘g‘ri to‘rtburchaklarni farqlash, ularning eng umumiy xossalarini aniqlashda komp‘yuter texnologiyalardan foydalangan xolda tushuntirish o‘qituvchiga xam oson, o‘quvchilar xam kengroq tassavurga ega bo‘ladilar. Bizning maqsadimiz geometrik shakllarni, ularning xossalarini o‘rgatishda zamonaviy axborot texnologiyalardan foydalanish uslubini ishlab chiqish. Bunda Power Point dasturida geometriya elementlarini o‘rgatish uchun turli effekt va animatsiyalardan iborat taqdimotlar yaratishdir.
Boshlang‘ich ta‘limning har bir sinf matematika darslarida o‘tiladigan geometriya elementlarini yangi ped texnologiyalar asosida tushunturish bolalarga geometriya elementlari haqida to‘laroq tassavurga ega bo‘lishi, sodda va rangli figuralarni ko‘rib fanga bo‘lgan qiziqishlari ortishiga olib keladi.
Biz yurtimiz osoyishtaligi va vatanimiz ravnaqini, xalqimizning farovon hayotini va yorug‘ kelajagini ta‘minlash uchun o‘z oldimizga qo‘ygan buyuk marralardan, xalqimizning hoxish-irodasi bilan tanlab olgan mustaqil taraaqqiyot yo‘lidan hech qachon qaytmaymiz va o‘z yuksak maqsadlarimizga albatta erishamiz. Bizga Allohning o‘zi doimo madadkor bo‘layotganiga, yo‘limizni ochib berayotganiga bugun barchamiz ishonch hosil qilmoqdamiz va buning uchun ming bora shukronalar aytamiz.
Mustaqillik yillarida el-yurtimizning fidokorona mehnati bilan biz barcha sohalarda katta yutuqlarga erishdik. Hozirgi kunda yurtimizda yashayotgan har qaysi inson, millati, tili va dinidan qat‘iy nazar, bu yutuqlarda mening ham munosib hissam bor, deb boshini baland ko‘tarib yashashga albatta xaqlidir.
Kirish.
Geometriyaga oid dastlabki tushunchalar bundan 4-5 ming yil muqaddam qadimgi Misrda paydo bo`lgan. O`sha kezlarda Nil daryosining suvi har yili toshib, ekin maydonlarini yuvib turgan.Shuning uchun , ekinzorlarni qayta taqsimlash va soliq miqdorini aniqlash uchun bu maydonlarda belgilash va o`lchash ishlarini bajarishga to`gri kelgan.Qadimgi yunon olimlari yer o`lchash usullarini misrliklardan o`rganib, uni geometriya deb atashgan.
“Geometriya” yunoncha so`z bo`lib, “geo”- yer, “metrio” – o`lchash degan ma`noni aglatuvchi qismlardan tuzilgan.
Mil.avv. VII- VI – asrlarda Qadimgi Xorazmda ham Misrdagi kabi Amudaryoning quyi qismida yer o`lchash ishlari bajarilgan.
Geometriyaga oid dastlabki tushunchalar Qadimgi Bobilda ham bo`lgan. Xususan, tarixchilar Pifagor teoremasi Bobilda topilgan deb hisoblashadi.
Qadimgi yunon olimi Evklid o`sha paytgacha ma`lum bo`lgan barcha geometric tushuncha va xossalarni tartibga keltirib, “Negizlar” deb nomlangan kitobida bayon etdi. Bu kitob ikki ming yil maboynida maktablar uchun eng muhim darslik vazifasini o`tadi va fan taraqqiyotida ulkan ahamiyatga ega bo`ldi. Geometriyani o`qitish hozir ham ana shu kitobdagi g`oyalarga tayanadi.
O`tmishda yashab o`tgan olimlarning ko`pchiligi geometriya bilan shug`illanganlar. Buyuk vatandoshlarimiz Muhammad ibn Muso al-Xorazmiy, Ahmad Farg`oniy, Abu Rayhon Beruniy, Abu Ali ibn Sino, Ulug`bek ham Evklid “Negizlar”ini puxta o`rganib,bu fan rivojiga o`z hissasini qo`shganlar. Sharq mamlakatlarida geometriya injenerlik bilan qo`shib handasa deb atalgan va unga katta ahamiyat berilgan. Hozir “injener” so`zi muhandis deyilishi ham shundan.
Bizni o`rab turgan har bir predmet qandaydir shaklga ega.