Mavzu Fanning maqsadi va vazifalari

ERKAKLAR PIDJAGI ASOS KONSTRUKSIYASINI
KONSTRUKTIV MODELLASH

M

3-расм. Эркаклар классик костюмининг таш=и кыриниши


isol tariqasida ushbu modulda, T-88 modulda berilgan pidjak model eskizi (3-rasm) uchun konstruktiv modellash jarayoni ko’rsatilgan.
Pidjak bo’laklarini konstruktiv modellash AK yoki BK chizmasida bajariladi. Buning uchun T.88-modulda ishlab chiqilgan pidjak AK da yoki korxonada ishlab chiqilgan va ustaxonada mavjud BK dan foydalanish maqsadga muvofiq bo’ladi.
Erkaklar pidjagida BK ni modellash quyidagi tartibda bajariladi:

• 
  ort bo’lakni modellash;
  
• 
  old bo’lakni modellash, shu jumladan:
  

• 
  old vitochkani modellash;
  
• 
  latskanni modellash;
  
• 
  bortni modellash;
  
• 
  yoqani modellash;
  
• 
  cho’ntaklarni modellash;
  
• 
  engni modellash.
  

Ort bo’lakni modellash uchun pidjak asos konstruktsiyasi yoki BK chizmasidan qog’ozga 1:1 masshatbda nusxa ko’chiriladi. 3-rasmdagi erkaklar pidjagi modeli bitta shlitsalidir. AK chizmasida shlitsa uzunligi etak chizig’idan o’rta chok bo’ylab qo’yib chiqiladi. Shlitsa kengligi 5,0 sm, uzunligi 20-25 sm. Model bo’yicha yon chokda shlitsa loyihalangan hol uchun shlitsa qurish tartibi bir xil.
Moda rivojlanishining ma’lum davrida pidjak yangi modellari uchun siluet va shakl sezilarli o’zgarmaydi. Tanlangan BK yoki ishlab chiqilgan AK ko’pincha bel va bo’ksa chizig’i bo’yicha ma’lum siluet va shaklga mo’ljallangan bo’ladi. Shuning uchun BK ni modellashda ort bo’lakning va yelka chizig’i bo’yicha gabaritlar aniqlab olinib, yelka chiziq o’rni, kerak bo’lsa, korrektirovka qilinadi, ya’ni yelka chizig’i ko’tariladi yoki pasaytiriladi, uzunligi o’zgartiriladi. (4-rasm).


PIDJAK OLD BO’LAGINI MODELLASH

Old bo’lakni modellash uchun pidjak AK yoki BK dan 1:1 masshtabda nusxa ko’chiriladi.

Pidjak konstruktsiyasining texnologik jihatdan qulayligini oshirish uchun zamonaviy texnologiya bo’yicha old bo’lakdagi kirishtirish vitochkasi boshqa qirqimga ko’chiriladi. Kirishtirish vitochkasi bort chizig’idan o’mizga (5, a-rasm), bel vitochkasiga (5, b-rasm) o’tkazilishi mumkin. Old bo’lakka texnologik ishlov berish usulida bort vitochkasini kirishtirish operatsiyasi ko’zda tutilgan bo’lsa, uning yarim qiymati bel vitochkasiga ko’chiriladi, qolgan yarmi joyida qoladi.