Mavzu: Erkin iqtisodiy zonalarning tushunchasi,maqsadlari va turlari

17-modda. Erkin iqtisodiy zonaning budjeti
Erkin iqtisodiy zona mustaqil budjetga ega bo‘ladi.
Qarang: Vazirlar Mahkamasining 2018-yil 16-yanvardagi 29-son qaroriga 1-ilova sifatida tasdiqlanga “Erkin iqtisodiy zonalar to‘g‘risida nizom”ning 11, 13-bandlari.
Erkin iqtisodiy zonani shakllantirish bosqichida kreditlar berish yoki ishlab chiqarish va ijtimoiy infrastruktura obyektlarini to‘g‘ridan to‘g‘ri investitsiyalash tarzida respublika budjeti va mahalliy budjetdan mablag‘lar jalb etilishi mumkin.
Oldingi tahrirga qarang.
Erkin iqtisodiy zonaning budjeti erkin iqtisodiy zonaning Ma’muriy kengashi (bundan buyon matnda Ma’muriy kengash deb yuritiladi) foydalanishi va boshqaruvida bo‘lgan yer, binolar va inshootlarni ijaraga berishdan, xizmatlar ko‘rsatishdan keladigan tushumlardan va qonun hujjatlarida taqiqlanmagan boshqa tushumlardan shakllantiriladi.
(17-moddaning uchinchi qismi O‘zbekiston Respublikasining 2009-yil 23-sentabrdagi O‘RQ-224-sonli Qonuni tahririda— O‘R QHT, 2009-y., 39-son, 424-modda)
18-modda. Erkin iqtisodiy zonaga kirish, erkin iqtisodiy zonadan chiqish va uning hududida bo‘lish tartibi
Erkin iqtisodiy zonaga chet el fuqarolari va fuqaroligi bo‘lmagan shaxslarning kirishi, iqtisodiy zonadan chiqishi va shu hududda bo‘lishining qonun hujjatlarida belgilab qo‘yiladigan soddalashtirilgan tartiboti joriy etilishi mumkin.
(18-modda O‘zbekiston Respublikasining 2009-yil 23-sentabrdagi O‘RQ-224-sonli Qonuni tahririda— O‘R QHT, 2009-y., 39-son, 424-modda)
19-modda. Sug‘urta
Erkin iqtisodiy zona qatnashchilarining investitsiyalari va tavakkalchiligini sug‘urta qilish ixtiyoriylik asosida amalga oshiriladi.
Oldingi tahrirga qarang.
Sug‘urta himoyasi qonun hujjatlariga muvofiq ta’minlanadi.
(19-moddaning ikkinchi qismi O‘zbekiston Respublikasining 2009-yil 23-sentabrdagi O‘RQ-224-sonli Qonuni tahririda— O‘R QHT, 2009-y., 39-son, 424-modda)