Mavzu: Erkin iqtisodiy zonalarning tushunchasi,maqsadlari va turlari

II. ERKIN IQTISODIY ZONALARNING HUQUQIY TARTIBOTI
11-modda. Huquqiy tartibotning o‘ziga xos jihatlari
Erkin iqtisodiy zonalarda alohida bojxona, valyuta, soliq tartiboti, shuningdek fuqarolar kirishi, chiqishi va bu yerda bo‘lishining, mehnat munosabatlari, moliya-kredit faoliyatining alohida tartiboti hamda investitsiyalarni jalb etishga, tadbirkorlikni rivojlantirishni rag‘batlantirishga va zonani ijtimoiy-iqtisodiy rivojlantirishga qaratilgan boshqacha tartibot o‘rnatilishi mumkin.
Qarang: Vazirlar Mahkamasining 2017-yil 10-apreldagi 196-son qaroriga 3-ilova sifatida tasdiqlanga “Erkin iqtisodiy zonalar hududida soliqlar va bojxona to‘lovlari bo‘yicha imtiyozlarni qo‘llash tartibi to‘g‘risida nizom”.
Oldingi tahrirga qarang.
Yuridik va jismoniy shaxslarning alohida huquqiy tartibotni buzish yo‘li bilan olgan daromadi (foydasi) qonun hujjatlariga muvofiq undirib olinadi.
(11-modda O‘zbekiston Respublikasining 2009-yil 23-sentabrdagi O‘RQ-224-sonli Qonuniga asosan ikkinchi qism bilan to‘ldirilgan— O‘R QHT, 2009-y., 39-son, 424-modda)
12-modda. Alohida bojxona tartiboti
Alohida bojxona tartiboti:
tovarlarni olib kirish va olib chiqish uchun bojxona bojlarini bekor qilish yoki kamaytirishni;
eksport yoki import uchun tarifdan tashqari cheklashlarni bekor qilish yoki yengillashtirishni;
tovarlarni belgilangan tartibda albatta bayonnomaga kiritgan holda erkin iqtisodiy zonaning bojxona chegarasi orqali olib o‘tishning soddalashtirilgan tartibini nazarda tutishi mumkin.
Oldingi tahrirga qarang.
Erkin iqtisodiy zona hududida alohida bojxona tartibotini O‘zbekiston Respublikasining bojxona organlari ta’minlaydi.
(12-moddaning ikkinchi qismi O‘zbekiston Respublikasining 2009-yil 23-sentabrdagi O‘RQ-224-sonli Qonuni tahririda— O‘R QHT, 2009-y., 39-son, 424-modda)
Alohida bojxona tartiboti erkin iqtisodiy zona hududi orqali tovarlarni tranzit olib o‘tishga nisbatan tatbiq etilmaydi.