Mavzu: «Elementlar do`stimiz!»

Yanvar- Kimyo fani oyligida o`tkazilgan tadbirlar .

Mavzu: « Elementlar do`stimiz!»

Maqsad:O`quvchilarning Kimyoviy elementlar davriy jadvali yuzasidan olgan bilim, ko`nikma va malakalarini mustahkamlash hamda kimyoviy elemenlarni o`rganishga bo`lgan qiziqishlarini orttirish.

8-sinflarda o`tkaziladigan bu 1 soatlik tadbir o`quvchilarning kimyo faniga bo`lgan qiziqishlarini orttirishga ko`mak bo`ladi .Bu tadbirda o`quvchilar Kimyoviy elementlar davriy jadvali va ba’zi kimyoviy elementlar o`rtasidagi o`zaro she’riy tarzdagi tanishtiruv va suhbatni sahna ko`rinishida rollar orqali ko`rsatib berishadi .

Tadbirning boshlang’ich qismini o`qituvchining o`zi ixtiyoriy tarzda boshlashi mumkin.

Masalan , sahnaga oldin ikki o`quvchi chiqib kimyo fani oyligi haqida ,kimyo fanining o`qitilishi ,maqsad va vazifalari ,hozirgi kunda kimyo fani oldida turgan global muammolar kabilar haqida hamda Kimyoviy elemenlar davriy jadvalining asoschisi D.I.Mendeleyevning hayoti va davriy jadval yaratilish tarixi haqida 8-10 daqiqalik ma’ruza qilishlari mumkin va keyin navbatni she’riy tarzda elementlar rolidagi o`quvchilarga beriladi.

1-o`quvchi:

Kimyoviy elemenlar davriy jadvali,

Bu erur kimyoning bosh alifbosi.

Bunga jo bo`lgandir bir butun borliq,

Bir butun olamning bari shundadir.

Keling tanishaylik jadvalimiz-la,

Davr va guruhlar bildirar neni.

Raqamlarda joylashtirgan mo`jiza,

Tanidingiz ustoz Mendeleyevni.

Qarang oddiylikni davriy jadvalda,

Guruhlar bildirar bir oilani.

Tartib raqam bilan bir xildir bunda,

Elementning elektron va protoni.

Har bir guruhda bor bir bosh element,

Guruhning nomi ham u-la atalar.

Tanishib olaylik ketma-ket,

Ko`ringchi ,bu safda kimlar joy olar.

(Birinchi o`quvchi she’rni boshlaganda o`rtaga davriy jadvalning tasviri chiqariladi)