Mavzu Cho‘kish va elektr tokidan shikastlanish, kuyish va sovuq olishi, ularda birinchi yordam ko‘rsatish. Reja

Inson hayoti faoliyati davomida elektr xavfsizligini ta’minlashning ahamiyati.
Inson hayot faoliyatining har sohalarida elektr energiyasidan foydalanadi. Aynan ishlab chiqarish sohasida elektr energiyasi, uskuna va qurilmalarining ishlatilishi bajariladigan ishlar unumdorligini va sifatini oshirishga , og‘ir mehnatni engillatishga, mehnat sharoitini yaxshilashga va boshqa ijobiy natijalarga olib keladi. SHu bilan birga ba’zi bir holatlarda mehnat xavfsizligi nuqtai nazaridan elektr toki ishlovchilar sog‘lig‘i va hayoti uchun juda katta xavf tug‘diruvchi omil hisoblanadi.
Elektr qurilmalardagi elektr toki xavfli omil hisoblanib, ishlovchilarga elektr toki va yoyi, statik elektrlanish, atmosfera elektri va elektromagnit maydonning xavfli omillar ta’sirining oldini oluvchi tashkiliy va texnik tadbirlar hamda vositalar tizimi elektr xavfsizligi deyiladi.
Elektr tokidan shikastlanish oqibatida ro‘y beradigan baxtsiz hodisalarning ko‘p qismi kuchlanishi 1000 V gacha bo‘lgan elektr qurilmalarda sodir bo‘lishi aniqlangan.
Elektr qurilmalarida sodir bo‘ladigan baxtsiz hodisalarning asosiy sabablari quyidagilar hisoblanadi:

• 
  Kuchlanish ostida bo‘lgan tok o‘tkazuvchi qismlarga tasodifan tegib ketish yoki ularga xavfli masofada yaqinlashish;
  
• 
  Tokning erga yoki elektr jihozning qobig‘iga tutashishi va natijada kuchlanish ostida bo‘lmaydigan metall qismlarda kuchlanishning paydo bo‘lishi;
  
• 
  Ishlovchining yanglish harakati tufayli uzib qo‘yilgan tarmoqlarda yoki qismlarda kuchlanish paydo bo‘lishi va h.