Mavzu: Chizma ishlariga oid qoidalalar

1.Chizma geometriya fani, vazifasi.

Chizma geometriya va muhandislik grafikasi fani ob’ektiv borliqning qonuniyatlarini

o’rganadi va o’z tadqiqotlari bilan ular haqidagi bilimlarimizni boyitadi.

Chizma geometriyaning asosiy apparati proyeksiyalash usullari bo’lib u chizma

vositasida o’ganiladi. Chizma geometriya umumiy geometriyaning  bir shahobchasidir, u

buyumlarning geometric xususiyatlariga asoslangan holda proyeksiyalash usuli yordamida

ularning shakllari, o’lchamlari va o’zaro joylashishini shuningdek, pozision, metrik va

konstruktiv masalalarini echish  algoritmlarini o’rganib boshqa geometriyalardan o’zining asosiy

– proyeksiyalash usuli bilan farq qiladi.

Chizmalarsiz fan va texnika taraqqiyotini tasavvur qilib bo’lmaydi. Konstruktor va

loyihachilar o’z ijodiy fikr va mulohazalarini faqat chizmalar yordamida bayon etadilar.

Chizmalarga asosan barcha muhandislik inshootlari, fuqaro qurilishi, mashina va mashina

qismlari va boshqa buyumlar ishlab chiqariladi.

Chzma geometriyadan quyidagilarni o’rganiladi:

1) Fazoviy figuralarning tekislikdagi tasvirlarini, ya’ni tekis modellarini yasash usullari;

2) Chizmada geometrik masalalarni grafik yo’l bilan yechish usullari;

3) Figuralarning berilgan tekis chizmalari bo’yicha ularning fazoviy ko’rinishini va

yaqqol tasvirlarini ham yasash usullari;

4) Figuraning grafik va analitik modellari hamda ularning biridan ikkinchisiga o’tish

usuli.

Proyeksiyalanayotgan  buyumlarni faqatgina grafik usulda tasvirlash hozirgi zamon

ishlab chiqarish texnologiyasini qanoatlantirmaydi. Ko’p hollarda chizmalarni analitik usulda

tasvirlanadi. Bu esa o’z navbatida EHMdan foydalanib, chizma grafik ishlarni

avtomatlashtirishga yordam beradi

.