Mavzu. Bozor sharoitlarida sifat va raqobatbardoshlik. 1 Sifat XXI asr bo’sag’asida raqobatning umumjahon maydoni

Alohida shaxsni jamiyat tan olishi. Omaviy tan olishning quyidagi shakllari keng tarqalgan: 1) xizmat bo'yicha ko'tarilish; 2) xonaning joylashuvi, o'lchamlari va ichki rejasi; 3) buyurtmachining korxonasiga sayohatlar uyushtirish; 4) faoliyat taqdirlanadigan yig'ilishlar; 5) qimmatli sovg'alar; 6) mashinalar to'xtashi uchun maxsus ajratilgan joylar; 7) xodimlarning xizmatlari taqdirlanadigan yillik konferentsiyalar; 8) nashrga qilinadigan maxsus maqolalar; 9) e'lonlar taxtasidagi xabarlar; 10) xodimning plakatdagi rasmlari; 11) maxsus topshiriqlar; 12) xodimning hamkasblari ishtirokida topshiriladigan farxiy yorliqlar.
Guruh faoliyatining ommaviy e'tirof etilishi. Tan olish guruh xodimlariga o'z hissasining tashkilot ishidagi ahamiyatini anglash imkonini beradi. Quyida butun dunyoda qabul qilingan tan olish shakllari keltirilgan:

1. 
   Guruhning barcha a'zolari rasmi tushirilgan guruhning yutuqlari haqidagi maqola.
   
2. 
   Tashkilotning muvaffaqiyatli faoliyatiga muayyan hissa qo'shgan xodimlar sharafiga bo'linma doirasida tushliklarni tashkil qilish.
   
3. 
   Shahardan tashqariga oilaviy safarlarni tashkil qilish.
   
4. 
   Yuqori rahbariyatning ko'rib chiqishi uchuun erishilgan natijalar haqida axborotni taqdim qilish.
   
5. 
   Yuqori bo'g'in rahbariyati bilan tushliklarni tashkil qilish.
   
6. 
   Texnik konferentsiyalarda barcha guruh a'zolarining ishtirok etishi.
   
7. 
   Tashkilot hisobidan guruh yig'ilishini dasturxon yozilgan holda o'tkazish.
   
8. 
   Bo'lim xodimlarining eshiklariga ularning ismi - sharifi yozilgan taxtachalar o'rnatish.
   
9. 
   Yuqori bo'g'in rahbarlarining guruh yig'ilishida ishtirok etishi. Bunda ular yaxshi bajarilgan ish uchun minnatdorchilik bildiradilar.
   
10. 
    Guruhning barcha a'zolariga sovg'alar topshirish.
    

Boshqarma tomonidan shaxsning e'tirof etilishi. Bajarilishi shart
bo'lgan, avtomatlashtirib bo'lmaydigan va nufuzli hisoblanmaydigan, lekin befarq qarash mumkin bo'lmagan, yoqimsiz ishlarning ko'p turlari mavjud; biroq ularsiz tashkilotning samarali ish yuritishini tasavvur qilib bo'lmaydi. Bunday "chidab bo'lmaydigan ishlar" ularni kerakli tarzda baholaydigan va taqdirlaydigan rahbar tufayli "chidab bo'ladigan" ga aylanadi. Chunki rahbar xodimga u yoki bu ishni bajarish iltimosi bilan murojaat qiladi va uning bajarilishini "xodimning yelkasi osha emas", balki unga ishning muhimligini tushuntirgan holda kuzatadi.
Ishchilar xizmatlarining boshqarma tomonidan tan olinishining keng tarqalgan shakllari quyidagilar: 1) ishning yaxshi bajarilgani bilan tabriklash; 2) xodimning alohida xizmatlari uchun rahbar tomonidan yozma minnatdorchilik bildirib, uning uyiga xat yuborish; 3) xodimlar tomonidan tayyorlangan ma'lumotlar va hisobotlarda ularning mukofot puli yoki boshqa taqdirlash shakli uchun minnatdorchiligining yozma shaklda bildirilishi; 4) xodimning tug'ilgan kunida yoki mehnat faoliyatining yubileylarida uning uyiga jo'natiladigan, so'nggi yillardagi xodimning mehnatiga minnatdorchilik bildirilgan otkritkalar. Otkritkalarning mazmunida xodimning muayyan xizmatlari ifodalangan bo'lishi kerak; 5) har uch oydan keyin xodimning ishini baholash. Bunday baholash xulosalar chiqarish va ijobiy natijalarni mustahkamlash maqsadida muntazam o'tkazilishi kerak.