Mavzu. Bozor sharoitlarida sifat va raqobatbardoshlik. 1 Sifat XXI asr bo’sag’asida raqobatning umumjahon maydoni

Kasaba uyushmalarining jalb qilinishi. Bo'linmalarning xodimlariga murojaat qilishdan avval kasaba uyushmalarining madadiga tayanish zarur.
Sifat to'garagining rahbari. Bo'linma rahbari yoki ishchilari tayyorgarlikdan o'tadigan to'garak rahbarini tanlashi lozim. Tayyorgarlik quyidagi masalalarni qamrab oladi: 1) sifat to'garagining faoliyati; 2) sifat to'garaklarining tashkiliy tuzilmasi; 3) katta bo'lmagan guruh doirasida xulq - atvor me'yorlarini o'rgatish; 4) muammolarni hal qilish usullari; 5) jamoaviy boshqaruv usullari; 6) shaxslararo munosabatlar.
Sifat to'garagining rahbari mas'ul: 1) sifat to'garagining faoliyatida qatnashishni rag'batlantirish; 2) o'tkaziladigan yig'ilishlar uchun kun tartibini tayyorlash; 3) sifat to'garagining a'zolarini tayyorlashda muvofiqlashtiruvchiga yordam ko'rsatish; 4) rais sifatida sifat to'garaklarining yig'ilishlarini o'tkazish; 5) yig'ilishlar va sifat to'garagining faoliyatiga taalluqli hujjatlarni tayyorlash.
Sifat to'garaklarining yig'ilishlari. Sifat to'garagining yig'ilishlari bir soatdan ortiq davom etmasligi kerak. Dastlabki yetti - sakkiz yig'ilishda quyidagi namunaviy mavzular bo'yicha o'quv mashg'ulotlari o'tkaziladi:

1. 
   Sifat to'garaklarining faoliyati bilan tanishish.
   
2. 
   "Aqliy hujum", sabab - oqibat diagrammalari, muammolarni aniqlashning boshqa usullari.
   
3. 
   Gistogrammalar, grafiklar, nazorat kartalari.
   
4. 
   To'garak faoliyati natijalarining rahbariyatga taqdim etilishi.
   

Yig'ilishlarning kun tartiblarida yangi kontseptsiyalar va
muammolarni tahlil qilishga alohida e'tibor berish lozim:

1. 
   Ma'lumotlarni to'plash, tahlil qilish va taqdim etish usullari (tarqalish diagrammalari, tajribalarni rejalashtirish, tanlanmalarni tabaqalash).
   
2. 
   Texnologik jarayonlarni tartibga solish vositalari (nazorat kartalari va tanlanma nazorat).
   
3. 
   Mavjud vaziyatlar, fikrlar xaritasining guruhiy tahlili.
   

Shu tarzda, muammolarni hal qilishning barcha usullari asta - sekin ko'rib chiqiladi va navbatdagi yig'ilishlar ularning tahlili va yechimiga bag'ishlanadi. Muayyan muammo ustidan ishlar yakunlangandan so'ng natijalar yuqori bo'g'in rahbariyatiga taqdim etiladi. Taqdim qilishda quyidagi savollarga javob berish zarur:

1. 
   Muammo nimadan iborat?
   
2. 
   Qaysi usullar yordamida muammo tahlil qilingan?
   
3. 
   Muammo qanday hal qilinadi?
   
4. 
   Berilgan yechimni qanchalik samarali deb hisoblash mumkin?
   
5. 
   U qanday iqtisodni beradi?
   

Rahbariyat yetakchilik qilayotgan to'garaklarni muntazam belgilab borishi kerak.
Sifat to'garaklari bo'linmada tuzilgan ishni yaxshilash bo'yicha guruhning faoliyatini to'ldirishi mumkin. Masalan, agar guruhning yig'ilishida butun bo'linmaning faoliyatini qamrab olmaydigan masala kun tartibiga qo'yilsa, uni sifat to'garagining a'zolari hal qilishlari mumkin.