|
Ota-onalar majlislarida kompyuterdan foydalanish.
O’quv yili yakunida bo’lib o’tgan umummaktab ota-onalar majlisida ijtimoiy hayotda faol ishtirok etgan, turli fanlar bo’yicha uyushtirilgan tadbirlarda alohida ibrat ko’rsatgan, shuningdek, muayyan fanlar bo’yicha olimpiadalarda muvaffaqiyatli qatnashgan o’quvchilar va ularning ota-onalarini rahmatnomalar bilan taqdirlash maqsadga muvofiqdir. Ilovalarda bunday rahmatnomalardan namunalar keltirilgan.
Kompyuter va yangi informatsion texnologiyalar o‘qituvchiga yaqindan yordam beradi. Ota-onalar bilan majlislardagi suhbat mavzulari ko‘pincha sinf tarbiyaviy soatlaridagi mavzular bilan yaqin bo‘ladi. Ota-onalarga o‘qituvchilar ularning farzandlari bilan alohida olingan mavzular doirasida nimalar haqida suhbatlashishlari qiziqarli bo‘ladi.
Bunda multimediyali proektor yordamida sinf tarbiyaviy soatlardagi mavzularni, undagi lavhalarni har bir ota-onalar majlislarida ko‘rsatish juda samarali bo‘ladi. Masalan, «Bola huquqlari to‘g‘risidagi Konvensiya» ota-onalar va bolalar uchun bir xil ahamiyatga ega, kerakli mavzulardan biridir. Shuning uchun ushbu mavzudan ota-onalar majlislarida ham foydalanish mumkin.
Ota-onalar bilan ham bolalar bilan o‘tkazilgan anketalarni o‘tkazish, turli savollarga bo‘lgan ota-onalarning munosabatlari natijalarni solishtirish mumkin. Bunday anketani kompyuterda tayyorlash va uni bir nechta nusxada tayyorlab olish mumkin.
Informatsion texnologiyalardan foydalanishning yana bir yo‘li Web-kameradan foydalanish bo‘lib, uning yordamida darsda va tanafuss vaqtidagi daqiqalarni, sinf tarbiyaviy soatlarini, darsdan keyingi vaqtdagi o‘quvchilarning navbatchiliklarini va ko‘plab boshqa faoliyatni kechish jarayonini yozib olish mumkin. Bunda “yashirin kamera” ma'lumotlari paydo bo‘ladi. Ularning ichidagi qiziqarli, ibratli holatlarni birdek o‘quvchilarga ham, ularning ota-onalariga ham ko‘rsatish mumkin.
Bunda har bir bolaga o‘ziga tashqaridan qarash imkoniyati tug‘iladi. Ular o‘zlariga tashqaridan qarash orqali o‘z xatti-harakatlarini, tahlil qilish va baholash imkoniyatlariga ega bo‘ladilar. Bu kadrlar ayniqsa ota-onalar uchun asqotadi. Shu o‘rinda ta'kidlash zarurki, bu xarakterdagi faoliyatni tashkil etish uchun eng avvalo ota-onalar va bolalar bilan kelishish, ularning roziligini olish talab etiladi. O‘qituvchi bu metodni qo‘llashda nechog‘lik ehtiyotkorlik bilan, aql bilan, o‘ylab yondoshishi talab etiladi.
II bob yuzasidan xulosa.
O‘zbekistonda ta'lim jarayonida AKTni qo‘llash bo‘yicha keng qamrovli ishlar olib borilmoqda va uning huquqiy va me'yoriy asoslari yaratilgan.
O‘qitish jarayoni pedagog, ta'lim oluvchi va o‘qitish vositalarining o‘zaro ta'siridan iborat bo‘lib, hozirgi zamon axborot texnologiyalari imkoniyatlari o‘qitish vositalariga o‘qituvchi va ta'lim oluvchi vazifalarining bir qismini yuklash imkonini beradi
Axborot-kommnunikatsiya texnologiyalari qo‘llaniladigan darslarning qulayligi shundaki, unda o‘quvchining o‘quv materiallarini o‘zlashtirib olayotganligini doimiy ketma – ket kuzatishga, nazorat olib borishga, kerak holarda tuzatishlar kiritib borishga imkoniyat yaratiladi.
Ta'limda axborot-kommnunikatsion texnologiyalarini qo‘llash orqali o‘qitishning va bilimlarni o‘zlashtirishrishning nutq, so‘z, tovush bilan bog‘langan usullari ikkinchi navbatga o‘tib, o‘qitishning tasavvurlar, shakllar, rang, tasviriy ko‘rsatuvlar bilan bog‘liq usullari birinchi o‘ringa o‘ta boshlaydi.
Shuning uchun ham axborot texnologiyalari asosidagi darslarda qiziqish, o‘zini - o‘z boshqarish, yangi bilimlarni o‘zlashtirib borishga intilish dars oxirigacha saqlanib qoladi.
Sanab o‘tilganlaridan tashqari, o‘qituvchi faoliyatida axborot kompyuter texnologiyalardan foydalanishning yana ayrim yangi texnologiyalari, xususan, elektron jurnal, SMS-kundalik, sinf Web-sayti haqida ham fikr aytish mumkin.
Yuqoridagi fikrlardan kelib chiqib aytish mumkinki, o‘qituvchining o‘quv-tarbiyaviy faoliyatida axborot kompyuter texnologiyalardan foydalanish o‘qituvchi mehnatini yengillashtiradi, uning samaradorligini oshiradi.
Do'stlaringiz bilan baham: |
