Мавзу: болаларда диқҚатсизлик ва гиперактивлик диагностикаси ва психокоррекцияси

Битирув малакавий ишнинг мақсади – болаларда диққат етишмовчилик синдроми ва гиперактивликни психодиагностика қилиш ҳамда уларни коррекция қилиш усулларини тадқиқ этишдан иборат.
Битирув малакавий ишнинг предмети – бошлашғич синф ўқувчиларида диққат етишмовчилик синдроми ва гиперактивлик диагностикаси ва коррекцияси жараёнидир.
Битирув малакавий ишнинг объекти - диққат етишмовчилиги синдроми ва гиперактивлик мавжуд бошланғич синф ўқувчилари.
Битирув малакавий ишнинг фарази:
- Диққат етишмовчилиги синдроми ва гиперактивлик болаларда ўқув фаолиятининг сусайиши, билимларни ўзлаштиришнинг кескин пасайишига сабаб бўлиши мумкин.
- Диққат етишмовчилиги синдроми ва гиперактивлик мавжуд болаларда психокоррекцион тадбирларни амалга ошириш ўз вақтида бартараф этиш имконини бериши, эҳтимол.
Битирув малакавий ишнинг вазифалари.
1. Мавзуга оид адабиётларни тўплаш, таҳлил қилиш ва тизимлаштириш.
2. Диққат етишмовчилиги синдроми ва гиперактивлик мавжуд болалар тўғрисида маълумот ва билим даражаларини ўрганиш.
3. Бошланғич синф ўқувчиларида диққат етишмовчилиги синдроми ва гиперактивликни диагностика қилиш.
4. Тадқиқот гуруҳидаги болалар билан психокоррекцион тадбирлар олиб бориш.
5. Тадқиқот ишлари юзасидан амалий тавсиялар ишлаб чиқиш.
Битирув малакавий ишнинг илмий янгилиги: илк маротаба маҳаллий шароитда а)умумтаълим мактабларининг бошланғич синф ўқувчиларида диққат етишмовчилиги синдроми ва гиперактивлик диагностикаси ва психокоррекцияси амалга оширилди.
Битирув малакавий ишнинг назарий ва амалий аҳамияти.
Тадқиқот натижаларидан амалий психологлар, мактаб ўқитувчилари, психологик-консультатив марказлар мутахассислари фаолиятида фойдаланиш мумкин.
Битирув малакавий ишнинг методлари. Тадқиқотимизда суҳбат интервью, кузатиш, диққат етишмовчилиги синдроми ва гиперактивлик хусусияти хос бўлган бошланғич синф ўқувчилари диққати хусусиятларини диагностика қилиш учун “Диққат хажмини аниқлаш усули” ҳамда “Диққатнинг тўпланиши ва йўналганлигини текшириш” методикасидан фойдаланилди.