Мавзу: болаларда диқҚатсизлик ва гиперактивлик диагностикаси ва психокоррекцияси

Хулоса ва тавсиялар 
Фойдаланилган адабиётлар рўйхати 
Илова
 

---

3 
КИРИШ 
Мавзунинг долзарблиги.
Президентимиз И.А.Каримов «Юксак 
маънавият – енгилмас куч» асарида “Одобли, билимдон ва ақлли, 
меҳнатсевар, иймон-эътиқодли фарзанд нафақат ота-онанинг, балки бутун 
жамиятнинг энг катта бойлигидир” – деб таъкидлаганлар. Замонавий 
психологияда онтогенетик ривожланишнинг турли босқичларида ўзида жинс 
ва ёш хусусиятларини намоён этувчи турли хатти-ҳаракатлар бир қатор 
генетик, ижтимоий ва шахсий омилларнинг ўзаро уйғунлашувида рўй бериб, 
турфа кўринишли ва катта таъсир кучига эгалиги билан субъектнинг хулқ-
атвор механизмида ўзига хос индивидуал-психологик, индивидуал-динамик 
хусусиятлар, унинг дунёқараши, қадриятлар тизими, каузал, казусли вазиятга 
тушгунга қадар яшаган ижтимоий-психологик муҳит билан белгиланиб, шахс 
ривожланиши ва шаклланишида катта аҳамиятга эгалиги таъкидланади.
ХХ
 
асрнинг сўнгги йилларда болаларда диққат етишмовчилиги 
синдроми ва гиперактивлик ҳамда унинг оқибатида юзага келадиган юқори 
даражадаги ижтимоий дезадаптация ҳолатлари юзасидан ота-оналарнинг 
психолог, психиатр хамда невропатологларга мурожаатлари сони тобора 
ортиб бораётганлиги хақидаги маълумотлар айрим тадқиқотларда қайд 
этилмоқда
Психология фанида эътироф этилишича, диққат – бу психик 
фаолиятнинг бирор бир предмет, вазият ёки ижтимоий муносабатга 
йўналтирилганлигидир. Ҳеч бир психик жараённинг вужудга келиши, 
кечиши, ривожланиши диққатнинг муайян объект ёки субъектда тўпланиши 
(
концентрацияси) барқарорлашуви сифатларисиз амалга ошмайди. Диққат 
етишмовчилиги синдроми ва гиперактивлик нафақат болаларнинг 
ўзларигагина эмас, балки уларнинг атрофидаги одамларга – (ота-оналар, 
ўқитувчилар, тарбиячиларга) бир қатор муаммоларни (ахборотларни, 
ўзлаштиришдаги қийинчилик, ўта, ортиқча ҳаракатчанлик, беқарорлик 
кабиларни) келтириб чиқаради.

---

4 
Мамлакатимиз олимлари Ғ.Б.Шоумаров (1980), Э.Ғ.Ғозиев (1994), 
З.Ш.Шеримбетова (2007) кабиларнинг изланишларида кичик мактаб ёшидаги 
ўқувчиларда диққат хусусиятларининг фан асосларини ўзлаштиришга салбий
таъсири таҳлил қилинган.