Mavzu: Birinchi psixologik yordam – bu nima?

BPYO: KIMGA, QAChON VA QAERDA?
KIM BPYOGA MUHTOJ?
BPYo hozirgina kechirilgan yoki uzoq davom etuvchi krizisi hodisa natijasida shakllangan distress holatidagi insonlar uchun moʻljallangan. Bunday yordam katta yoshdagilar bilan bir qatorda bolalarga ham koʻrsatiladi. Biroq krizisli hodisani kechirgan har qanday inson ham BPYoga ehtiyoj sezavermaydi va buni kutmasligi ham mumkin. Yordam olishni istamaganlarni bunga majburlamang, biroq, ehtimol koʻmak kutayotgan va undan foydalanishni istayotganlar bilan doim birga boʻling. Insonlar BPYodan ham jiddiyroq boʻlgan yordamga muhtoj boʻladigan vaziyatlar boʻladi. Siz oʻz imkoniyatlaringiz chegarasini bilishingiz hamda boshqa mutaxassislar yordamidan foydalanishingiz lozim: tibbiyot xodimlari (agar ular joylarda mavjud boʻlsa), voqea sodir boʻlgan joydagi hamkasblar yoki boshqa insonlar, mahalliy oʻzini boshqarish organlari yoki jamoatchilik va diniy tashkilot rahnamolari. Quyida biz zudlik bilan hayotiy – tibbiy yoki boshqa koʻrsatkichlari boʻyicha koʻrsatilishi zarur boʻlgan jiddiy yordam turlariga muhtoj boʻlgan insonlarning vaziyatlarini keltirganmiz.
ZUDLIK BILAN JIDDIY YoRDAMGA MUHTOJ INSONLAR:
-Ogʻir, hayoti uchun xavf uygʻotuvchi hamda zudlik bilan tibbiy yordam koʻrsatilishini talab qiluvchi jarohatlar;
- mustaqil ravishda oʻzining yoki farzandlari haqida qaygʻurish imkoniyatiga ega boʻlmagan insonlardagi ruhiy holatining buzilganligi;
-oʻziga ziyon yetkazishi mumkin boʻlganlar;
-oʻzgalarga ziyon yetkazishi mumkin boʻlganlar.

Qachon bpyoni koʻrsatish lozim?
Garchi insonlar krizisli hodisa sodir boʻlgan davrdan uzoq vaqt mobaynida yordam va koʻmakka muhtoj boʻlsalar-da, BPYo hozirgina undan aziyat chekkan insonlar uchun moʻljallangan. Siz distress holatidagi insonlar bilan ilk muloqotga kirishayotgan davringizda BPYoni koʻrsatishingiz mumkin. Bu odatda sodir boʻlgan voqea davomida yoki undan soʻng darhol, baʼzida esa hodisa qancha davom etgani hamda uning jarohatlovchi darajasidan kelib chiqib bir necha kun yoki haftadan soʻng ham koʻrsatilishi mumkin.