Мавзу: Биоценоз,биогеотсиноз ва екотизимлар Режа: биосеноз,фитоценоз,биотоп

Консорция барча турларнинг вакиллари атрофида шаклланиши мумкин агар улар бошқаларига муҳит ҳосил қилиш имкониятларини яратишга таъсир этса). В. Н. Беклемишевнинг кўрсатишича, дала сичқони ўзининг ички паразитлари, гельминтлари, оддий бактериялари унинг ички организмида жойлашган бошқа организмлар билан яна бир бутун консориияни ташкил қилади.
Консорциялар турли даражада мураккаб бўлиши мумкин. Консорция боғланишлар кўпроқ биоценознинг ички муҳитларини ҳосил қилишда муҳим роль ўйнайдиган ўсимликларда бўлади. Лекин ҳар бир йирик консорииянинг аъзоси ўз навбатида майда бирикмаларнинг маркази бўлиши мумкин. Консориияларнинг биринчи, иккинчи ва ҳатто учинчи тартиблари бўлиши мумкин. Шундай қилиб, биоценоз консорциянинг ўзаро боғланган системаларидан иборатдир, у турларнинг ўзаро топик ва трофик муносабатлари асосида вужудга келади
3.БИОЦЕНОЗНИНГ ЭКОЛОГИК ТУЗИЛИШИ
Ҳар хил биоценозларнинг типлари маълум экологик группадаги организмларнинг муносабатлари билан характерланади. Экологик тузилиши жиҳатидан ўхшаш бўлган биоценозлар ҳар хил турдан ташкил топган таркибга эга бўлиши мумкин. Лекин улар қариндошлиги жиҳатидан жуда узоқ бўладилар. Қурғоқчилик шароитларида табиий равишда ўсимликлар жамоасида склерофитлар ва сукулентлар асосий ўринни эгаллайди. Муҳит шароитларида ҳаддан ташқари намлик кўп бўлса, бундай муҳитда гигрофит ва, ҳатто гидрофитлар ўсади. Экологик группаларнинг у ёки бу группаларининг бойлиги ёки ҳар хиллиги фақатгина ташқи муҳит шароитларигагина эмас, балки биотопларга ҳам боғлиқ бўлади.
Биоценозларнинг бундай умумий хусусиятларини баҳолашни экологлар микроскопик баҳолаш деб атайдилар. Бундай умумлаштириш биоценознинг хусусиятларини хўжалик ишлари режалаштирилганида умумий мўлжалга олишда, антропоген таъсир этишнинг кейинги оқибатларини олдиндан билиш ва системанинг мустаҳкамлигини баҳолашда қўлланилади. Микроскопик текшириш бу ҳар бир турнинг жамоадаги боғланишини айрим таҳлил қилиш ва унинг экологиясининг энг нозик томонларини ўрганишдир. Бу вазифа кўпчилик турлар учун ҳалигача бажарилгани йўқ, чунки жонли организмлар ниҳоятда табиатда кўп ва уларнинг экологик хусусиятларини ўрганиш ниҳоятда мураккабдир.