Mavzu: Bintlash qoidalari va bog’lamlarning turlari Reja: Desmurgiya Bintli bog‘lam turlari desmurgiya

7-8-9 rasmlar. Boshga qo‘yiladigan neopolitan, Gippokrat va chepets qalpoqchalari bog‘lami.

«CHepets» bog‘lami uchun bita bint tasmasi (40 sm) va bitta bint talab etiladi. 40 sm uzunlikdagi bint tasmasini bemorning o‘zi pastki jag‘ sathida pastga qarab tortib turadi. 2-bint peshona sohasida 2 - 3-marta sirkulyar o‘ralib, tepa-ensa sohasidagi bint tasmasidan chapdan-o‘ngga va o‘ngdan-chapga qarab bog‘lanib boriladi shunda, boshning sochli qismi yopilib boradi. Oxirida bint tasmasining ikkala uchidan biriga qo‘shilib iyak sohasida bir-biriga bog‘lab qo‘yiladi (9-rasm).

Bo‘yinga va ko‘krak qafasining orqa yuzasiga xochsimon yoki 8-simon bog‘lamlar qo‘yiladi. Boshqa turdagi bog‘lamlar ushbu sohada bir-birining ustiga yigilib qolib, bog‘lamni yaxshi ushlab tura olmaydi.

Dezo bog‘lami.

SHikastlangan qo‘lni fiziologik ushlab turish uchun qo‘ltiq ostiga paxtali yostiqcha qo‘yiladi. Tirsak bo‘g‘imi to‘g‘ri burchak ostida buqiladi va qo‘l ko‘krak qafasiga olib kelib tekkiziladi. Dezo bog‘lamida bint 4 marta aylantirib bog‘lanadi va ushbu yo‘nalishni saqlagan holda bint o‘ramlari bir necha marta takrorlanib, qo‘lni batamom fiksatsiya qilishga erishiladi. Bog‘lam zararlangan qo‘l tomonda yakunlanadi (10-rasm a,b).