Mavzu: Bintlash qoidalari va bog’lamlarning turlari Reja: Desmurgiya Bintli bog‘lam turlari desmurgiya

Mavzu: Bintlash qoidalari va bog’lamlarning turlari

Reja:

1.Desmurgiya

2. Bintli bog‘lam turlari

DESMURGIYA
Desmurgiya - bog‘lamlar qo‘yish qoidalari to‘g‘risidagi fan bo‘lib, yunoncha - desmos - aloqa, bog‘lam, urgia - harakat, ish qilish so‘zlarining yig‘indisi bo‘lib hisoblanadi. Bog‘lamlarni qo‘yishdan asosiy maqsad jarohat yoki tanadagi patologik o‘zgargan sohaga o‘rnatilgan bog‘lov materiallarining o‘z joyidan siljib ketmasligini ta’minlashdan iborat. Bog‘lamlar quyidagi turlarga bo‘linadi:

1. 
   Ushlab turuvchi bog‘lamlar
   
2. 
   Bosib turuvchi bog‘lamlar (qon ketayotganda qo‘yiladigan bog‘lamlar)
   
3. 
   Tortib turuvchi bog‘lamlar (suyak siniqlari joyidan siljib ketmasligi uchun qo‘llaniladigan bog‘lamlar)
   
4. 
   Maxsus bog‘lamlar
   

Bog‘lam uchun ishlatiladigan materialning turiga ko‘ra yumshoq, qattiq, qotib qoluvchi bog‘lamlar tafovut qilinadi. YUmshoq bog‘lamlarga: bintli, konturli, qiyiqchali va hokazo bog‘lamlar kiradi. Qattiq bog‘lamlarga immobilizatsiya qilish uchun ishlatiladigan transport, davolash shinalari, protezlar, tutorlar, korsetlar, ortopedik apparatlar kiradi. Qotib qoluvchi bog‘lamlarga gips, kraxmal, rux-jelatindan tayyorlangan bog‘lamlar kiradi.

Bog‘lam qo‘yishning asosiy qoidalari:

1. 
   Bemor qulay holatda bo‘lishi, bog‘lam qo‘yilishi zarur bo‘lgan tananing qismi harakatsiz holda saqlanishini ta’minlash zarur;
   
2. 
   Bog‘lam qo‘yiladigan tananing qismi eng qulay fiziologik holatda bo‘lishi va bog‘lam qo‘yilgandan so‘ng ushbu holatni saqlab qolish kerak;
   
3. 
   Bog‘lam qo‘yayotgan hamshira bemorni doimo kuzatib turishi va bog‘lam og‘riqni kuchaytirib yubormayotganligiga ishonch hosil qilishi zarur
   
4. 
   Bog‘lam doimo pastdan yuqoriga (periferiyadan markazga) qarab qo‘yiladi.
   

Bog‘lam quyidagi talablarga javob berishi zarur:

1. 
   Pishiq, mustahkam bo‘lishi
   
2. 
   Engil bo‘lishi
   
3. 
   Qulay va harakatni ortiqcha chegaralamasligi zarur