Mavzu: Bintlash qoidalari va bog’lamlarning turlari Reja: Desmurgiya Bintli bog‘lam turlari desmurgiya

12-rasm. Diterixs shinasi va uni qo‘llash.

Transport immobilizatsiyasi maqsadida shoshilinch sharoitlarda qo‘l ostida bo‘lgan turli predmetlardan foydalansa bo‘ladi. CHunki suyaklar singanda immobilizatsiya qilinmasdan kasalxonaga bemorni transportirovka qilish jiddiy asoratlar ya’ni suyak siniqlarining siljishi, shokning og‘ir darajasini rivojlanishi, yirik qon tomirlar (arteriya, vena) shikastlanishiga olib kelishi mumkin.

Suyaklar yopiq singan transport shinalarini kiyim ustidan o‘rnatsa ham bo‘ladi. Agar suyaklar ochiq singan bo‘lsa, avval jarohat steril bog‘lov materiallari bilan yopilishi, so‘ngra shinalanishi zarur. Simli shinalarni qo‘yishdan oldin ular paxta-doka bilan o‘raladi.

Suyak va bo‘g‘imlarning bo‘rtib chiqkan sathlariga paxtali yostiqchalar qo‘yish maqsadga muvofiq. Qo‘l-oyoqlar taxtakachlanganda barmoq va panjalar iloji bo‘lsa ochiq qoldiriladi. Taxtakachlar asosan bint yordamida qotiriladi.

O‘mrov suyagi singanda paxta-dokadan tayyorlangan xalqalardan foydalansa bo‘ladi. Umurtqa pog‘onasi, chanoq suyaklari singanda uzun, keng taxtalardan foydalaniladi. (13-rasm a,b).

Son va chanoq-son bo‘g‘imi shikastlanganda tortib turuvchi Diterixs shinasini qo‘llash maqsadga muvofiq.

Bu shina ikkita yassi taxtadan iborat bo‘lib, uzuni oyoq va tananing tashqi tomoniga, kichigi esa oyoqning ichki tomoniga moslashgan Enli bintlar taxtakachlar teshiklari orqali o‘tkazilib, oyoq fiksatsiya qilinadi.