Мавзу: Бактериологик, вирусологик ва иммунологик лабораторияларнинг тузилиши ва жихозланиши

МИКРОСКОП ВА МИКРОСКОПИЯ ҚИЛИШ УСУЛЛАРИ 
Микробиологик текширувлар учун микроскопларнинг бир неча турлари 
(биологик, люминесцент, электрон) ва микроскопда кўришнинг махсус 
усуллари ва мосламалари (фазо-контраст, қоронғи кўрув майдони) дан 
фойдаланилади. 
Биологик микроскоп. Микробиология амалиётида ҳозирги кунда ишлаб 
чиқарилган кўплаб микроскоплар қўлланилади (МБР-1, МБИ-1, МБИ-2, МБИ-3, 
МБИ-6, Биолам P-l ва бошқалар) Улар турли микроорганизмларнинг шакли, 

---

7 
тузилиши, ўлчами, ҳаракати ва бошқа белгиларини аниқлаш ва катталиги 0,2—
0,3 мкм дан кичик бўлган микроорганизмларни кўриш учун мўлжалланган. 
Бактериологик амалиёда кўпроқ Биолам монокуляр ёки бинокуляр 
микроскопларидан фойдаланилади.
Микроскоп иккита оптик ва механик қисмлардан ташкил топган. Оптик қисмига 
микроскоп пастида жойлашган объективлар киради. Улар объектни катта қилиб кўрсатувчи 
ва оптик камчиликларни тўғриловчи линзалардан иборат. Объективлар қуруқ ва иммерсион 
системага (immersia — қамраб олиш) бўлинади. Биолам микроскопларда учта қуруқ ва битта 
иммерсион объектив бор. Ҳар бир объектив устида улар тўғрисидаги маълумотлар ёзилган. 
1) х8, 20,40. 90 ёки 100: 2) сонли агертура; 3) заводда чиқарилган номери. Булар билан бир 
қаторда иммерсион объективларда 90 ва қўшимча ИО ёки МИ (иммерсион объектив ёки 
мойли иммерсия) ҳарфли индекс ёзилган, ҳамда объективнинг пастки қисмида қора чизиқ 
ўтказилган. 
Иммерсион объективнинг тўғрига йўналтирилган (фронтал) линзаси калта фокус 
оралиғига эга (f = l,5—3 мм). Микроскоп орқали кўрилаётганда линза олдиндан томизилган 
мойга ботирилади. Имморсион мойнинг нурни синдириш кўрсаткичи (1,52), ойнанинг 
синдариш кўрсаткичига яқин. Бунда объективга тушаётган нурлар тўлиқ сақланади (расм 5). 
Иммерсион микроскоп 0,2 мкм дан кичик бўлган объектларни кўрсата олиш 
қобилиятига эга. Микроскопнинг умумий катталаштириш имкониятини аниқлаш учун 
объективнинг катталаштиришини окулярнинг катталаштиришига кўпайтирилади. Масалан, 
иммерсион объективи 100 ва окуляри 10 бўлган микроскопнинг катталаштириш қуйидагича 
100 х 10 =1000 марта. Иммерсион системадаги нурларнинг йўналиши 5-расмда кўрсатилган.