Mavzu. Asosiy va aylanma kapital statistikasi

MAVZU. ASOSIY VA AYLANMA KAPITAL STATISTIKASI


Reja:
1. Asosiy vositalar tahlili vazifalari, asosiy yo’nalishlari va axborot ta’minoti
2. Asosiy vositalar tarkibi, tuzilishi va dinamikasi tahlili
3. Asosiy vositalar harakati tahlili
4. Asosiy vositalardan foydalanish samaradorligini baholash ko’rsatkichlari
5. Fond qaytimining omilli tahlili
6. Uskunalardan foydalanish tahlili

1. Asosiy vositalar tahlili vazifalari, asosiy yo’nalishlari
va axborot ta’minoti
Asosiy vositalar – ixtiyoriy ishlab chiqarishning eng muhim omillaridan
biridir. Ularning holati va samarali foydalanish bevosita korxonalar xo’jalik
faoliyatining yakuniy natijalariga ta’sir qiladi. Korxonaning asosiy vositalari va
ishlab chiqarish quvvatlaridan oqilona foydalanish barcha texnik-iqtisodiy
ko’rsatkichlarni yaxshilash, jumladan mahsulot ishlab chiqarishni ko’paytirish,
uning tannarxi va tayyorlashda sarflanadigan mehnat sig’imini pasaytirishga imkon
beradi.
Asosiy vositalar – moddiy ishlab chiqarish sohasi kabi ijaraga berish uchun
ham foydalaniladigan noishlab chiqarish sohada uzoq vaqt davomida (bir yildan
ortiq) harakatlanuvchi moddiy aktivlardir.
Investitsion va tuzilmaviy siyosatning amalga oshirilishi sharofati bilan
bizning respublikamizda mamlakat iqtisodiyoti barqarorligini ta’minlovchi elektr
energetikasi, yoqilg’i sanoati, qora va rangli metallurgiya, kimyoviy va neftkimyo
sanoati kabi sanoat tarmoqlari jadal rivojlanmoqda.
Iqtisodiyotni tizimli va bosqichli ravishda tuzilmaviy yangilash bo’yicha olib
borilgan qat’iy chora-tadbirlar mamlakatda ishlab chiqarilatgan yalpi ichki
mahsulot tarkibiga ijobiy ta’sir ko’rsatdi. Iqtisodiyotni erkinlashtirish jarayonlarini
chuqurlashtirish va kengaytirish bo’yicha ishlar hali hamon davom etmoqda.
Asosiy vositalar tahlili bir necha yo’nalishda olib borilishi mumkin, ularni
majmuaviy ishlab chiqish esa asosiy vositalar va uzoq muddatli investitsiyalarning
tarkibi, dinamikasi va foydalanish samaradorligini baholashga imkon beradi.