Mavzu. Aholi turmush darajasi statistikasi

mavzu. AHOLI TURMUSH DARAJASI STATISTIKASI
Reja:
1. Aholining turmush darajasi haqida tushuncha va statistikaning vazifalari.
2. Aholi turmush darajasini umumlashtiruvchi ko‘rsatkichlar.
3.Aholining moddiy ehtiyojlarini qondirish darajasini ifodalovchi ko‘rsatkichlar.
4. Aholining madaniy-maishiy ehtiyojlarini qondirishni ifodalovchi ko‘rsatkichlar.
Aholi turmush darajasi ijtimoiy – iqtisodiy kategoriya bo‘lib, u kishilarning moddiy va madaniy – maishiy ehtiyoji qondirilishi hamda ijtimoiy turmush sharoiti yaxshilanib borishi kabi tushunchalarni o‘z ichiga oladi.
Moddiy ehtiyojlarga kishining oziq-ovqat, kiyim-kechak, turar joy yoqilg‘i va ro‘zg‘or buyumlariga bo‘lgan talablari kiradi.
Madaniy – maishiy ehtiyojlarga kishilarning bilim, malakasi, madaniy darajasini oshirish, maishiy va kommunal xizmat ko‘rsatishni yaxshilash kabilarga bo‘lgan ehtiyojlari kiradi.
Aholi turmush darajasi statistikasi oldida quyidagi vazifalar turadi:

• aholi daromadlari va harajatlari, moddiy – madaniy, maishiy ehtiyojlari tarkibini, strukturasini ifodalovchi ko‘rsatkichlar dinamikasini va su’ratini o‘rganish;
• aholi daromadi iste’molidagi differentsiatsiyani shu tafovutni qisqartirishdagi ijtimoiy – iqtisodiy omillar ta’sirini o‘rganish.
• jahon mamlakatlari miqyosida aholi turmush darajasini o‘rganish.