Мавзу 7: Фосфорли ўғитлар ишлаб чиқариш технологияси

Расм.11.2. Донадор ҳолдаги суперфосфат ишлаб чиқаришнинг технологик тасвири.

1 - грейфер, 2,3,9 - бункерлар, 4,5 - таъминлагичлар, 6,19 - ҳаво ёрдамида майдалагич, 7,20 - валли майдалагич, 8,10,22,24,25 - лентали транспортёрлар, 11 - донадорлаш қурилмаси, 12 - форсункалар, 13 - қуритиш барабани, 14 - ёқиш камераси, 15 - циклон, 16 - минора, 17- вентилятор, 18 - элеватор, 21,23 - шнеклар, 26,27 - тайёр маҳсулот учун бункерлар, 28 - автоматлаштирилган тарози, 29 - қадоқлаш қурилмаси, 30 - авто юклагич.

Грануляторларнинг ўлчамлари: диаметри D=1,4 м, узунлиги L=7,5 м, айланиш вақти 7,5 айл/мин. Ҳосил бўлган нам донадор ҳолдаги суперфосфат қуритиш барабанига берилади. Қуритиш барабанинг диаметри D = 2,2 м, узунлиги L = 14 м, айланиш вақти 5 айл/мин.
Маҳсулот ҳарорати 95 ⁰С дан ошмаслиги керак. Ёқилғи газлар қуритиш барабанига 600 ⁰С ҳароратда киради, у ердан 100–1200 ⁰С ҳароратда чиқади. Қуритиш барабанида маҳсулот 3–5 % намликкача қуритилади. Қуритилган маҳсулот элева­тор орқали грохот (ҳаво ёрдамида майдалагич) га берилади, у ерда фракцияларга ажратилади. Ўлчами 4 мм дан каттаси майдалагичда майдалаб транспартер орқали элеваторга қайтарилади, 2–4 мм. лиси транспортер орқали тайёр маҳсулотлар бункерига берилади. Майда фракциялар эса ретур транспартёр орқали суперфосфатни донадорлашдан олдин қўшилади. Тайёр маҳсулотлар бункердан вагонларга ёки қадоқлашга юборилади.


АММОНИЙЛАШГАН СУПЕРФОСФАТ ИШЛАБ ЧИҚАРИШ

Суперфосфат сифатини яхшилаш усулларидан бири бу аммонизациялаш, яъни эркин фосфат кислотани аммиак билан нейтраллашдир. Аммонийлашган суперфосфат ёпишқоқ ва гигроскопик бўлмаган қуриқ кукундир.

Эркин фосфат кислотани газ ҳолдаги аммиак билан нейтраллашда аввал моноаммоний фосфат ҳосил бўлади:


Н_ЗР0₄ + NH₃ = NH₄Н₂Р0₄

Нейтрализация натижасда ажралган иссиклик 80–90 ⁰С ҳароратгача ортади ва маҳсулотни намлиги 4–5 % га камаяди. Сувда эрийдиган Р₂О₅ нинг миқдори бу ҳолатда камаймайди.