mavzu – mavzu avtomobilning elektr jihozlariga txk va ta’mirlash ishlari texnologiyasi

• Transmissiya agregatlaridagi nosozliklar avtomobilni ekspluatastiya qilish jarayonida, shuningdek, ayrim detallar rostlanishining buzilishi, eyilishi yoki sinishi oqibatida vujudga keladi. Agregatlarning boshlang’ich holatini tiklaydigan rostlash ishlarini bajarish yoki ayrim detallarni almashtirish natijasida nosozliklar bartaraf etiladi.
• Bu mavzuda ilashish muftasi, taqsimlash qutisi, asosiy va kardanli uzatmalar, diffe­renstial, yarim o’qlar va teng burchak tezligiga ega bo’lgan sharnirlarning nosozliklari, ularni diagnostikalash, TXK va ta’mirlash ishlari bilan tanishdik.

• Rul mexanizmi karteri, rul chambaragi va kolonkasining bo’shab qolishi, mexanizm va chervyak jufti, reyka va tishli valning eyilib ketishi natijasida paydo bo’ladigan nosozliklar, ularni bartaraf etish, diagnostikalash, TXK va ta’mirlash hamda tormoz tizimining asosiy nosozliklari, ya’ni frikstion qoplamalar va tormoz barabanlarining (disklarining) eyilganligi, tormoz kuchi sozlagichining noto’g’ri ishlashi, gidroyuritmali tormoz tizimida rezinali manjetlarning eyilishi va shishib ketishi, stilindr, porshen, pnevmatik tormoz tizimida esa tormoz va himoya klapanlarining eyilishi, tormoz kamerasidagi diafragmaning teshilishi, tizimga 1-TXK da tormoz tizimi bo’yicha barcha birikmalar va truba o’tkazgichlarning jipsligi, kompressor hosil qiluvchi bosim, jihozda tormozning ishlash sifati, detal va birikmalarning joyiga qotirilishi, tormoz tepkisining erkin va ishchi yurishi tekshirishi, 2-TXK da 1-TXK dagi ishlar bilan birgalikda tormoz barabanlari (disklari), kolodkalar, g’ildirak podshipniklari, gidravlik tormoz tizimidagi suyuqlik sathi, ko’p konturli pnevmatik tizimlardagi konturlar va tormoz kuchini sozlagichlarning ishlashi tekshirilishi to’g’risida ma’lumotlarga ega bo’ldik.

• Yurish qismining nosozliklari, uning oqibatlari, yurish qismiga 1- va 2-TXK da bajariladigan ishlarning tarkibi ya’ni, amortizatorlar, oldingi va orqa osmalarning holati hamda mahkamlanishini tekshirish, g’ildirak gupchagi podshipniklaridagi va buriluvchi stapfa shkvorenlaridagi lyuftlarni o’lchash, shuningdek, ramani va oldingi o’q to’sinining holatini baholash kiradi. Moylash xaritasiga asosan buraluvchi stapfa shkvorenlarining sharnirli tayanchlari yoki podshipniklari moylanishi, shinalar holati va ulardagi havo bosimi tekshirilishi hamda g’ildiraklarni muvozanatlash to’g’risidagi ma’lumotlarga ega bo’ldik.
• Shu jumladan, ATK sharoitida shinalarni ta’mirlash, shina va kameralarni yo’l sharoitida ta’mirlash, kamerasiz shinalarni ta’mirlash hamda shina ishini hisoblash va nazorat qilish ishlari bilan tanishdik.