Mavzu : Fizika o`quv mavzulariga pedagogik va axborot tehnalogiyalarini joriy qilish

ASOSIY QISM

1. 
   Ta`lim tehnologiyalarining turlari
   

Klaster texnologiyasi - fikrlarning tarmoqlanishi bu pedagogik strategiya bo’lib, u o’quvchilarning biror mavzuni chuqur o’rganishiga yordam berib, unga taalluqli tushuncha yoki aniq fikrni erkin va ochiq ravishda ketma-ketlik bilan uzviy bog’lagan holda tarmoqlashga o’rgatadi.
Yelpig’ich - bu texnologiya murakkab, ko’ptarmoqli, mumkin qadar, muammmo xarakteridagi mavzularni o’rganishga qaratilgan. Mavzuning turli tarmoqlari bo’yicha bir yo’la axborot berish, ularning har birining alohida nuqtai nazardan muhokama etilishi, bu texnologiyaning mohiyatini belgilaydi. Masalan, ijobiy va salbiy, afzallik va kamchiliklari, foyda va zararlari belgilanadi.
Blits texnologiyasi - o’quvchilarni faoliyat ketma-ketligini to’g’ri tashkil etishga, mantiqiy fikrlashga, o’rganayotgan fan asosida kerakli ma’lumotlarni tanlab olishga o’rgatadi. O’quvchilar dastlab yakka holda, so’ngra guruh bo’lib topshiriqni bajarishadi.
Bumerang metodi texnologiyasi - bir mashg’ulot davomida o’quv materialini chuqur va yaxlit holatda o’ganish, ijodiy yondashgan holda tushunish, bilim, malaka va ko’nikmani erkin egallashga yo’naltiilgan. U turli mazmun va xarakterga, ya’ni muammoli, munozarali, turli mazmunlarga ega bo’lgan mavzularni o’rganishga mo’ljallangan bo’lib, u o’z ichiga og’zaki va yozma ish shakllarini qamrab oladi, hamda bir mashg’ulot davomida har bir ishtirokchining turli topshiriqlarni bajarishini, navbat bilan talaba yoki o’qituvchi rolida bo’lishini, kerakli ballni to’plashiga imkoniyat yaratadi.
FSMU metodi - munozarali masallarni hal etish hamda o’quv jarayonining bahs-munozarali o’tkazishda qo’llaniladi, chunki bu texnologiya talabalarni o’z fikrini himoya qilishga, erkin fikrlash, o’z fikrini boshqalarga o’tkazishga, ochiq holda bahslashishga hamda shu bilan birga bahslashish madaniyatini o’rgatadi.