Мавзу -1 Техник тизимларни бошқариш фанининг предмети, вазифаси ва манбалари, Техник тизимлар ва уларни бошқариш услублари

Мавзу -1
Техник тизимларни бошқариш фанининг предмети, вазифаси ва манбалари, Техник тизимлар ва уларни бошқариш услублари
Режа:

1. 
   Республикамизда техник тизимларни бошқаришга доир қарорлар.
   
2. 
   Техник тизимларни бошқариш фанининг асосий вазифалари ва мақсади.
   
3. 
   Автомобил транспортининг хозирги даврдаги ҳолати.
   
4. 
   Бошқариш услубларини таснифи. Тизимни бошқарувчи ва бошқарилаётган элементлари.
   
5. 
   Тизимнинг мақсади ва унинг реактивлиги.
   
6. 
   Талаб ва таклиф асосида бозорни мувофиқлаштириш.
   

Тушунча ва таянч иборалар.
Бошқарув, маъмурий буйруқбозлик усуллари, бозор иқтисодиёти шароити, янги замонавий бошқариш усуллари, Бошқарув ус луби, менежмент услуби, менежер, молиячи, рахбар, автократик, демократик ва леберал усуллар.

1. 
   Республикамизда техник тизимларни бошқаришга доир қарорлар.
   

Ҳар қандай ижтимоий меҳнат жараёни у ҳох кичик доирада, ҳох катта доирада бўлсин, бошқарувни талаб қилади. Кимдир ходимлар олдига мақсад қўйиши, вазифаларни тақсимлаши, унинг бажарилишини назорат қилиши, кишиларни меҳнат қилишга ундаши, уларнинг ҳаракатини мувофиқлаштириши лозим. Халқимиз «ўн қўшчига бир бошчи», деган иборани бежиз яратмаган.
Маъмурий буйруқбозлик усуллари соғлом фикрни, ташаббус ва тадбиркорликни йўққа чиқариб, тараққиётга тўғаноқ бўлгани ҳаммамизга аён.
Ҳозирги бозор иқтисодиёти шароитида раҳбар ҳам, раҳбарлик усулларни ҳам ўзгарган.
«...Бугунги куннинг энг муҳим вазифаси,-деб таъкидлайди Президентимиз Ш.М.Мирзиёев,- ҳаётимизнинг барча соҳаларида, айниқса, бошқарувда, республика миқёсида, вилоят, шаҳар, туман, қишлоқ ва маҳаллаларни бошқаришда, тармоқ бўғинларини идора этишда янгича фикрлайдиган, қийин дамларда масъулиятни ўз зиммасига олабиладиган, ҳаёт билан ҳамқадар юришга қодир, имони пок, билимдон, ишбилармон одамларни топиш, уларга ишонч билдиришдан иборатдир...».
«Ҳозирги раҳбар ҳам аъло мутахассис, ҳам ҳақиқий тадбиркор, ташкилотчи, айни пайтда ўз ҳақ-ҳуқуқини таниган-билган киши бўлмоғи даркор. Шу ўринда бугунги ҳаётимиздаги муайян бир номутаносибликни очиқ эътироф этиб, Президентимиз қуйидагиларни куйиниб баён этади:
«Бошқарувнинг қуйи қатламларида, айниқса, ишлаб чиқариш соҳасида янгиликка интилиш, янгиликни жорий этишга саъй-ҳаракатлар бор, лекин бу олижаноб майл ва ҳаракатлар ўрта ва юқори бўғинларда, хусусан, мамлакат вазирликлари ва идоралари даражасида ўтирган, тўрачиликни ўзларига касб этиб олган, лоқайд, эскича фикрлайдиган, ўзини хон, кўланкасини майдон ҳисоблайдиган, янгиликка йўл бермайдиган ношуд кимсаларнинг қаршилигига дуч келмоқда. Бизнинг қатъий фикримиз шуки, бундай кишилар ё танқиддан зарур хулоса чиқариб, тез орада ўз фикр ва савияларини ўзгартиради, ёки биз уларнинг бутунлай баҳридан ўтамиз».
«Банкротликка учрамасликнинг яна бир муҳим омили, - деб таъкидлади Президент Ш.М.Мирзиёев, - бу ўз бизнесини бошқаришни такомиллаштириш, бошқача айтганда бошқарув санъатини пухта эгаллашдир. Катта бизнесда нисбатан кичик бизнесда бошқаришнинг роли кўпроқ аҳамият касб этади, чунки кичик бизнес сохасида ишлаб чиқаришнинг тезкорлиги, мослашувчанлиги катта бизнесга нисбатан анча юқори бўлиши лозим».