Matnshunoslik

Seminar mavzular
Soat
	Matnshunoslik fan sifatida	2
	Yozuv madaniyatining takomili va tarixiy bosqichlari	2
	Kitob va uning ilk namunalari	2
	Xazoyin ul-maoniy ning qo’lyozmasi va matniy xususiyatlari	2
	XVI-XIX asr matnshunosligining o’ziga xos jihatlari	2
	Lug’atlar va ulardagi asosiy qisqartmalar	2
	Translitiratsiya, tanskripsiya va matn tabdili
	Abjad hisobi	2
	Hijriy va milodiy yillarni hisoblash yo’llari	2
	Ta’rix moddasini hisoblash	2
	“Muammo”ni yechish usullari	2
Jami:		22

1-seminar mashg`ulot. Matnshunoslik fan sifatida

O‘zbekiston mustaqillikka erishgandan so‘ng sharq qo‘lyozmalarini o‘rganish, xalqimiz mulki bo‘lgan turli qo‘lyozma manbalarni topish, tadqiq qilish va nashr etish ishlarining keskin jonlanishi, ayniqsa, milliy uyg‘onish, milliy iftixor va g‘urur mafkurasi asosida o‘tmish ijodkorlarimiz asarlarini o‘rganish matnshunoslik sohasining jilliy rivojlanishiga turtki berdi. Matnshunoslik qo‘lyozma nusxaning matn xususiyatlaridan tortib nashr ko‘rinishidagi barcha yutuq va kamchiliklari haqida tasavvur uyg‘otuvchi tadqiqotni amalga oshiradi. Matn taqdiri, saqlanish darajasi, nashr bezaklari va tavsifiy belgilarini o‘rganish matn tushunchasining klassik ta’rifiga sig‘masa-da, matnshunoslikda qabul qilingan matn tushunchasi, uni o‘rganish doirasiga kiradi.
Interfaol metod
Ushbu mashg`ulot FSMU texnologiyasi yordamida amalga oshiriladi.
Vazifa. Matnshunoslikning fan sifatida shakllanishi xususida munosabatingizni bayon eting.
F – fikringizni bayon eting;
S – fikringiz bayoniga biron sabab ko`rsating;
M – ko`rsatgan sababingizni asoslovchi misol keltiring;
U – fikringizni umulashtiring.
Talabalarning o`zlari yozgan fikrlarini yozma tarzda taqdim etishlari so`raladi. Bu texnologiya tinglovchilarni o`z fikrini himoya qilishga, erkin fikrlash va o`z fikrini boshqalarga o`tkazishga, ochiq holda bahslashishga, shu bilan birga, bahslashish madaniyatini o`rgatadi. O`qituvchi esa ularning fikrlarini to`g`ri yo`naltirish orqali mavzuni to`g`ri anglashlariga harakat qiladi.