Materialshunoslikning fundamental asoslari. Konstruksion materiallar texnologiyasi

Pressiz shtamplash. Keyingi vaqtlarda pressiz shtamplashlar (portlatish, elektrogidravlik va boshqa usullar kiradi) ham sanoat miqyosida juda keng ishlatilmoqda.

Ayniqsa, katta gabaritdagi kichik seriyali va qalin listli tayyorlanmalardan turli buyumlar (detallar) xosil qilish uchun turli portlovchi moddalar (trotil va boshqalar)ning portlash energiyalaridan keng foydalanilmoqda. Bu usul bilan, asosan, zanglamaydigan yuqori mustahkamlikka ega bo’lgan po’latlar, titanli va misli qotishmalardan detallar olishda ishlatiladi. Lekin shuni qayd qilish kerakki, bu usul juda tejamli ham samarali bo’lishi bilan birga, 10-14 % gacha nisbiy uzayishga ega bo’lgan metall va qotishmalardan turli buyumlar (detallar) ishlab chiqarishda foydalaniladi.

Bu usulda ishlanadigan qurilmalar hech qanday fundament talab qilmaydigan, kichik gabaritli, engil suriladigan ixcham konstruktsiyadan iboratdir. Elektrogidravlik usulda hatto kam plastik materialar ham yaxshi deformatsiyalanadi, hosil qilinadigan. buyum (detal)lar o’lchamlari yuqori aniqlik va qayta qo’shimcha mexanik ishlov berishni talab qilmaydi.

Shuning uchun bu usuldan list materiallardan samolyotlar, avtomobillar, fotoapparatlar va boshqalar uchun kichik hajmli detallar ishlab chiqarishda keng foydalaniladi.