«materialshunoslik»

Tolalarni ignalar bilan biriktirish usulida noto‘qima matolar ishlab chiqarish. Ignalar bilan tolalarni biriktirish usulida noto‘qima matolar ishlab chiqarishning asosiy mazmuni quyidagilardan iborat. Odatdagidek tolalar o‘rami tayyorlanib, ignalar bilan biriktirish mashinasiga beriladi (5.5 - rasm).

5.5 -rasm. Ignalar yordamida tolalarni biriktirish mashina va ignalarining shakllari.

Tolalar o‘rami (1) ta’minlovchi panjaraga (2) va tikkasiga ilgarlanma- kaytma harakatlanuvchi igna tutgichga (3) uzatiladi. Ignalar (8) pastga tushayotib, o‘zining tishlari bilan ayrim tolalarni ilashtirib, tolalar o‘rami orqali, xuddi tikkanga o‘xshab olib o‘tadi. Bu yerda tolalar o‘rami, o‘zining tolalari bilan tikilganday bo‘ladi. Natijada ixcham tuzilishdagi mato hosil bo‘ladi. Tolalar o‘rami pastki (7), yuqoridagi (4) sirtlar orasidan o‘tib, bu sirtlarda ignalar soniga mos keladigan teshikchalar mavjud. Pastki yuqoridagi sirtlar ignalar yordamida tolalarni o‘rami orqali o‘tkazilayotgan davrda o‘ramini zichlashtirish vazifasini bajaradi. Tayyor mato silindrlar (5,6) yordamida turmaklanadi.