«materialshunoslik»

Polivinilxlorid tolalar. Xlorin etilen yoki atsitelendan ishlab chiqariladi. Polivinilxlorid tolalar Fransiyada rovil, termovil, GFRda PS, Yaponiyada tolon deb ataladi.

Xlorin qayishqoq, suv, kislota va ishqorlar, oksidlovchilar ta’siriga chidamli, chirimaydi, mog‘ordan shikastlanmaydi. Issiqni saqlash xossalari jihatidan xlorin jundan qolishmaydi. Uning uzilishdagi uzayishi 18-24 %, gogroskopikligi juda past - 0,1%. Xlorin yorug‘lik ta’siriga uncha chidamaydi.

Xlorinning asosiy kamchiligi - issiqqa chidamsizligi. Xlorin 60 ⁰S da butunlay kirishadi, 90 ⁰S da esa yemiriladi. Xlorin yonmaydi va alangani avj oldirmaydi. U alangaga tutilganda jizg‘anak bo‘lib kuyadi, dustning hidi anqiydi.

Kiyimni quruq ximiyaviy tozalashda xlorin trixloretilen va perxloretilenda erishi mumkin.

Ishqalanganda elektr zaryadlarini yig‘ish xususiyatiga ega bo‘lgani uchun xlorin davolashda ishlatiladigan kiyimlar tikishda qo‘llaniladi. Polivinilxlorid tolalar relyefli shoyi gazlamalar, gilam, sun’iy mo‘yna, texnik gazlamallar tayyorlashda ham ishlatiladi.