«materialshunoslik»

Ilashtirma to ‘rlar uzun dastali alohida-alohida yog‘och g‘altaklar bilan hosil qilingan to‘rlardan iborat. Bu to‘rlar bir biriga ilgaklar yordamida hosil qilingan siyrak to‘r yordamida ilashtiriladi.

File to ‘rlari ipdan qilingan kataklarga igna bilan tikib hosil qilinadi. Ular choyshablar, ko‘ylaklar, bluzkalarni bezash uchun ishlatiladi.

To‘qilgan to‘rlar ilgakli igna yordamida krashe iplari yoki g‘altak iplardan tayyorlanadi.

Mashina to‘rlari maxsus mashinalarda tayyorlanadi va mashinalarda ishlab chiqarilgan, o‘rilgan (o‘rish mashinalarida tayyorlangan), kashta avtomatlarida to‘qilgan xillarga bo‘linadi.

Mashina to‘rlari paxta kalava ip, sintetik va viskoza kompleks iplardan, shtapel va ba’zan lavsan hamda jun kalava iplardan, hajmdor kalava ip, qarmoq ipidan ko‘ngura, proshivka va to‘r polotnosi ko‘rinishida tayyorlanadi. Mashinada tayyorlangan to‘rlar yupqa ensiz, yupqa enli, relyefdor ensiz, relyefdor enli, gruntli rus to‘rlariga bo‘linadi.