«materialshunoslik»

merondan qilingan bezak tesma - qayishqoq, hajmdor, o‘ziga hos yaltirab turadi, chetlari to‘lqinsimon, sidirg‘a bo‘yalgan yoki guldor; eni 0,7-2 sm;

korddan ishlangan bezak tesma - paxta tolali hom korddan (pishiq yo‘g‘on ipdan) va oqartirilgan kompleks viskoza ipdan zich yoki jimjimador qilib to‘qiladi; eni 1 sm;

chetlari jimjimador bezak tesma - paxta tolalaridan arqoq yo‘nalishida to‘iladi; oqartirilgan jimjimador tishlari bor; eni 1,5 sm;

erkaklar shlyapalari uchun bezak tesma - viskoza yoki sintetik tolalardan zich va jimjimador qilib to‘qiladi; sidirg‘a bo‘yalgan yoki guldor bo‘ladi; eni 3-5 sm;

elastik bezak tesma - paxta kalava ip, viskoza atsetat yoki sintetik iplarga rezina tolalar qo‘shib o‘riladi; eni 2 - 3 sm;

“Bahroma” - petlyalardan hosil qilingan shokilali, sidirg‘a bo‘yalgan jimjimador tesma; viskoza iplar, polipropilen iplar yoki merondan to‘qiladi; eni 4,3 sm;

Shnurlarning o‘rilgan, eshilgan va to‘qilgan xillari bo‘ladi.

0‘rilgan shnurlar o‘rish mashinalarida yo‘g‘on paxta kalava ipdan o‘zak sifatida foydalanib, atrofiga viskoza, kapron iplar, paxta yoki shtapel kalava iplar o‘rib tayyorlanadi.

Ayollar va bolalar buyumlarini bezash uchun ishlatiladigan sutaj shnuri ikkita yo‘g‘on kalava ipga sidirg‘a yoki har xil rangli viskoza iplar o‘rib tayyorlanadi. Sutajning o‘rtasida chuqurcha bo‘lib, buyumga sutajni tikkanda qaviq chuqurcha bo‘ylab tushuriladi.