«materialshunoslik»

Sinelka (popuk) - yo‘g‘onligi 4 mm gacha bo‘lgan tukli momiq shnur, viskoza ipakdan tayyorlanib, o‘rtasidan paxta kalava ip bilan mahkamlanadi.

Petlyalik o‘rilgan shnur - o‘zagi paxta kalava ipdan va viskoza kapron iplardan tayyorlanadi; diametri 4 mm.

Bort uchun ishlatiladigan o‘rilgan shnurning o‘zagi paxta tolasidan iborat; diametri 2 mm; relyefdor petlyalar uchun ishlatiladi.

Eshilgan shnurlar bir necha yo‘g‘on paxta, viskoza, jun tolalarni eshish yo‘li bilan tayyorlanadi. Eshilgan shnurlarning diametri 1,5 - 6 mm, sidirg‘a guldor bo‘ladi.tovlanuvchan qilish uchun shnurlarga metall iplar aralashtirilishi mumkin.

To‘qima shnurlar SHVM markali maxsus dumaloq to‘qish mashinalarida tayyorlanadi. Bunday shnurlarning shakli va eni har xil bo‘lishi mumkin. Ular asosan bolalar buyumlarini bezash uchun ishlatiladi.

To ‘r - to‘rsimon, shaffof bejirim buyum; iplardan qo‘lda yoki mashinalarda tayyorlanadi. Qo‘lda tayyorlangan to‘r o‘rib, to‘qib yoki yo‘rmab kungira, proshivka, motiv va donali buyumlar tarzida ishlab chiqariladi.

Kungira - bir tomoni tekis, ikkinchi tomoni tishdor qilib, har xil enli poloskalar tarzida tayyorlanga to‘r. Proshivka - ikki tomoni ham tekis bo‘lgan har xil enli to‘r. Motiv - doira, kvadrat va boshqa shakldagi to‘r quyma.Donali buyumlar - to‘r yoqalar, yenlar, bluzkalar monjetalar va hokazo.