Математика фанини ўҚитишда замонавий ёндашувлар ва инновациялар модули бўйича

4. Sportchining shaxsiy gigienasi.
Terining yaxshi ishlashi – bu salomatlik va ish qobiliyatining muhim omilidir. Terining bu himoya organi ter chiqishi, nafas olish bilan issiqlik quvvatini muvofiqlashtirib turuvchi a’zo hisoblanadi. Sportda teriga katta yuklama tushadi. Ishqalanish (gimnastika, shtangalar), zarbalar (bokschilar, qilichbozlar, kurashchilar), ko‘p miqdorda ter ajralib chiqishi (sportning barcha turlarida) orqali sodir bo‘ladi. Terini parvarish qilishga alohida ahamiyat berish – bu teri sirtini sog‘lom saqlash va u normal faoliyat ko‘rsatishining garovidir. Tez-tez yuvinib turish hammomning bug‘ xonasida bo‘lish, issiq suvda cho‘milish va boshqa shunga o‘xshashlar terini parvarish qilish yo‘llari hisoblanadi. Bundan tashqari, terini, butun gavdadagi terini ham, ayniqsa tez-tez miqdorda katta yuklama tushib turadigan joylardagi terini aloxida tarzda (teri sirtining xususiyatlarini hisobga olgan holda) qanday parvarish qilish zarur ekanligini vrach bilan birga belgilab olish lozim.
Og‘iz bo‘shlig‘i va tishlarni parvarish qilish. Tishlarning yaxshi sog‘lom bo‘lishi – bu ovqatning normal hazm bo‘lishidir. Tishlarda yoki og‘iz bo‘shlig‘ida og‘riq alomatlarining paydo bo‘lishi bu oshqozon, ichak yo‘llari funksiyasining buzilishiga sabab bo‘ladi va ishtahaning yuqolishiga, binobarin organizmni zarur quvvat bilan ta’minlab turadigan moddalarning kerakli miqdorda yetkazib berilmasligiga olib keladi. Shuning uchun yiliga kamiga 2 marotaba profilaktik ko‘rinishdan o‘tib turish zarur.
5. Sport kiyimi gigienasi.
Sport bilan shug‘ullanish uchun kiyim-bosh va poyafzal ajratib quyish lozim. Ularni faqat sport tayyorgarliklari yoki musobaqalar vaqtidagina kiyish kerak. Sport kiyimlari ozoda va tartibli saqlanishi zarur. Maxsus tarzda tayyorlangan sport kiyimi va poyafzali sport bilan shug‘ullanish uchun yaxshi imkoniyatlar yaratib beradi, ayrim xollarda hatto himoya vazifasini ham bajaradi. (Muz ustida xokkey, futbolchilarning yuziga tutiladigan himoya to‘siqlari, velosipedchilar hamda bokschilarning shlemlari va boshqalar).