Матбабаев М. М. “Электр техникаси, электр механикаси ва электр технолгиялари” кафедраси

Электрокимё (аноддаги) силлиқлаш ва ялтиратиш - паст ток зичлигида бажарилади ва металлнинг макро ва микрорельефини ҳосил қилувчи ғадур-ғудурларини эритишдан иборат. Натижада сиртни микрогеометрияси яхшиланади, у силлиқланиб ойна каби ялтирайди. Бу усулда сиртнинг ғадир-будирлиги механик силлиқлаш ёки ялтиратишдаги миқдорларига тенг бўлади.
Электрокимё силлиқлаш ёки ялтиратиш жараёни ишлов олаётган сиртни чуқурчакларида (анод) электролиз жараёнида эритишни махсулотлари йиғилади. Улар катта электр қаршиликка эга ва шунинг учун ток зичлиги камаяди (расм 6.3).



Расм 6.3. Стационар электролитда электрокимё силлиқлаш-ялтиратиш
схемаси:

а-детални сиртини ишлов бошланишидаги микрогеометрияси ва токни чизиқлари; б-ўшани ўзи ишлов охирида: 1-ишловдаги деталь; 2-электролит; 3-ванна; 4-катод; 5, 6-ишлов бошланишидаги ва охиридаги ток чизиқлари; 7-манба.

Сиртнинг баландликларида электр майдон концентрацияланади ва ток зичлиги кўпаяди. Шунинг учун баландликларни эриш жараени кўп марта тезлашади ва металлни микросиртини кетма-кет текисланиши содир бўлади.
Текислаш ва ялтиратиш операциялари одатда электролит таркибини ўзгартирмай битта ваннада бажарилади. Бунинг учун секин аста ток камайтирилади, бу текислашга характерли бўлган (R_а  0,16  2,5 мкм) сиртни микрогеометриясидан текис ялтироқ сиртга (R_а  0,025  0,4 мкм) ўтишга олиб келади. Металлнинг солиштирма ҳажми текислашда 50-100 мкммин бўлади, ялтиратишда 0,5-5,0 мкммин бўлади. Элект-ролитни таркиби ва режимни параметрлари металлни физик-кимё хусусиятларига боғлиқ. Масалан, ВМ-1 аралашмани текислаш ва ялтиратишни биргаликда бажариш сулфат кислотани 85% эритмасида, токни зичлиги (1-4) 10⁴ Ам² амалга оширилади. Бунда ваннадаги кучланиш 20-30 В ва харорат 20-40⁰С бўлади. Текислаш жараёнини муддати 5-6 мин, ялтиратишники 15-30 мин.
Электрокимё ишловда энергия манбаси сифатида ўзгармас ток генераторлари ёки кучланиши 6-24 В ва ток кучи 12,5 кА-гача бўлган ярим ўтказгичли туғрилагичлар бўлади. Меҳнат ҳавфсизлиги шартларига биноан тўғрилагичга берилган кучланиш трансформатор орқали пасайтирилади. Ванналар ерга уланиб, вентиляция билан таъминланган бўлиши керак. Ванналар оралари резина гиламчалар ёпилган ёғоч пол бўлиши керак.
Ўлчамли электрокимё ишлов. Асбоб-катодни шаклини анод-заготовкада нусхалашдан иборат, заготовка токни махаллий зичлигига қараб эрийди. Бу эффектга эришиш учун электродларни ораси (реакция зонаси) миллиметрдан озроққача камайтирилади ва реакция махсулларини олиб кетувчи электролитни ўтиш тезлиги катта қилинади. Натижада буюмнинг сиртини дастлабки микрогеометрияси ва электролитни таркиби доим тикланиб туради, бу эса ток зичлигини минг мартагача оширишга (текислашда Ампернинг бўлакларидан бир неча минг Ам²-гача) имкон беради. Жаъмида жуда юқори унумдорликка эришилади (эриётган металлни 10000-лаб мм³мин). Ишчи асбоб-катоднинг сарф бўлмаслигида нусхалашнинг юқори аниқлиги ва анод-заготовкани сиртини тозалиги таъминланади. Катта ўлчамли буюмларга ишлов берилганда, заготовкадан кўп металл олинаетганда ҳамда қаттиқ қотишмалардан ва чиниқтирилган деталларга ишлов берилаетганда айниқса юқори унумдорликка эришилади ва ҳоказо.
Заготовкага талаб қилинган шаклни ва ўлчамларни ҳаракатсиз электрод-асбоб (нусхалаш усули) ва ҳаракатланувчи (масалан айланувчи) асбоб ёрдамида бериш мумкин. Иккинчи ҳолда ўхшаш механик амалларни (шилиш, кесиш, текислаш ва бошқалар) ки-нематикасини қайтариб натижага эришилади. Биринчисида асбобни ишлов олаётган буюм билан контакти мавжуд эмас, чунки оралиққа босим билан электролит берилади. Шу сабабли асбоб юмшоқ, ток ўтқазувчи материаллардан тайёрланиши мумкин.