Матбабаев М. М. “Электр техникаси, электр механикаси ва электр технолгиялари” кафедраси

Назорат саволлари:

1. 
   Электрокимё нимани ўргатади?
   
2. 
   Қандай моддалар электролитлар деб аталади?
   
3. 
   Электролитик диссоциация деганда нимани тушунасиз?
   
4. 
   Молизация жараёни қандай жараён?
   
5. 
   Электролитлардан электр токини оқиши хусусият-ларини тушунтиринг.
   
6. 
   Ионнинг металлдан чиқиш иши деганда нимани тушунасиз?
   
7. 
   Гидратация энергияси нима?
   
8. 
   Қандай ионлар катионлар дейилади?
   
9. 
   Қандай ионлар анионлар дейилади?
   
10. 
    Электрокимёвий эквивалент ўзидан нимани ифодалайди?
    

АДАБИЁТЛАР

1. Болотов А.П., Шепель Г.А. Электротехнологические установки.- М.: Высшая школа, 1988. 239-242 бетлар.

2. Евтюкова И.П. и др. Электротехнологические промышленные установки.-М.: Энергоиздат, 1982. 344-347 бетлар.

44 – Маъруза. Электролит орқали ток ўтишдаги физик ва химик жараёнлар, уларни саноатда қўлланилиши
Режа:
1. Қоришма ва эритмалар электролизи бўйича асосий тушунчалар.
2. Электролизерлар, улардаги жарёнлар, электролиз қурилмаларининг асосий электр манбалари.

Таянч сўзлар ва иборалар: Электролиз; электролизер; электролиз ваннаси; токка кўра модда чиқиши; энергияга кўра модда чиқиши; мис электролизи; анод электроди; катод электроди; мультипль системаси; серий системаси; ток ўзгартиргичлар; шина ўтказгичлар.

Электролитлардан ток оқиши давомида электродлардан модда ажралиб чиқиш жараёни, шунингдек, модда заррачалари томонидан электродларни ўзлаштириш ёки йўқотиш билан кузатиладиган электродлардаги оксидланиш ёки тикланиш жараёнлари электролиз деб аталади.

Саноатда электролиз асосан металларни анодда парчалаш ва парчаланган эритмаларни катодда бирлаштириш орқали амалга оширилади.
Водородли нормал электрод потенциалига нисбатан нормал потенциали - 1 дан катта бўлган моддалар қоришмалар электролизи орқали олинади (Масалан, мис, рух ). Нормал потенциали - 1 дан кичик моддаларни бу усулда олиш мумкин эмас. Шунинг учун бундай моддалар олиш учун, шу металл тузлари эритмаларининг электролизидан фойдаланилади.
Электролиз ваннасидаги жараён электр энергиясини ўзлаштириш орқали амалга оширилса, бундай ванналар электролизерлар деб аталади. Электролизернинг принципиал схемаси 33 - расмда келтирилган: