Матбабаев М. М. “Электр техникаси, электр механикаси ва электр технолгиялари” кафедраси

Электролитик диссоциация деб моддаларнинг (молекулаларнинг) эриш ёки қоришиш даврида зарядланган ионларга ажралиш жараёнига айтилади. Бунда, диссоциация оқибатида ҳосил бўлган мусбат ва манфий ионлар сони бир - бирига тенгдир. Мусбат ионлар ўзидан бир ёки бир нечта электронини йўқотган атом ёки молекулани ифодаласа, манфий ионлар эса, аксинча бир ёки бир нечта ортиқча электронга эга бўлган атом ёки молекулаларни ифодалайди. Мисол учун, ош тузини сувда эритиш оқибатида унинг молекуласи икки ионга ажралади, яъни Na⁺ ва Cl^- .
Электролитларда диссоциация жараёни билан бир пайтда унга тескари бўлган, яъни ионларнинг алоҳида молекула бўлиб бирлашиш жараёни амалга оширилади. Бундай жараён молизация деб аталади.
Электрод - электрод тизимида металлда ҳам, электролитда ҳам худди ўша ионлар мавжуд. Металлда ушбу ионлар крисстал решётка тугунларида жойлашган бўлса, электролида ушбу ионлар эритувчининг молекулалари билан боғланган бўлади. Ионни кристалл решётка тугунидан электролитга ўтиши учун маълум энергия сарфланиши керак. Ушбу энергия ионнинг металлдан чиқиш иши деб аталади. Ионни электролитдан металлга ўтиши учун эса гидратация энергияси деб аталадиган маълум иш бажарилиши талаб қилинади.


Электролитлардан электр токини оқиши.
Электролитларда ионлар, молекулалар каби тартибсиз ҳаракатда бўлади. Агар электролитларга туширилган электродларга электр майдони таъсир этилса, тартибсиз иссиқлик ҳаракатидан ташқари, ионларнинг тартибли ҳаракати юзага келади. Бунда мусбат ионлар - катионлар катодга қараб, манфий ионлар - анионлар анодга қараб ҳаракат қилади. Белгиланган электродларга етиб борган ионлар уларга ўз зарядларини беради, оддий атом ёки молекулага айлангач, электродларда ажралиб қолади ёки электрод материали билан кимёвий реакцияга киришади.

Шундай қилиб, электролитлардаги электр токи ўзидан электр майдонидаги ионларнинг йўналтирилган ҳаракатини ифодалайди.
Металл ва ярим ўтказгичлардан фарқли, электролитлардан электр токининг оқиши модда массасини кўчиши билан бирга кузатилади.
Электролит қоришмасидан электр токининг оқиб ўтиши давомида электродда ажралган модда миқдори “q” Фарадей қонунига кўра аниқланади.

g=I (1)
бу ерда:
 - электрокимёвий эквивалент, г/кл;
I - ток, А;
 - токнинг оқиб ўтиш вақти, с.